ސައުތް އޭޝިޔަން ސްޕީކާރސް ސަމިޓްގައި ބައިވެރިވެވަޑައިގަންނަވާ ބައެއް ސްޕީކަރުން ރާއްޖެ ވަޑައިގެންފި
31 އޯގަސްޓު 2019 | ހޮނިހިރު 09:14ސަިމޓް އޮތީ ސެޕްޓެމްބަރު 1 އިން އަށް
ަބަންގްލަދޭޝްގެ ޕާލަމެންޓް ސްޕީކާރ އާއި ރައީސް ނަޝީދު ސަލާމްކުރައްވަނީ
ހަތަރު ވަނަ ސައުތު އޭޝިޔަން ސްޕީކާރސް ސަމިޓްގައި ބައިވެރިވެވަޑައިގަތުމަށް ސާރކް ގައުމުގެތަކުގެ ޤާނޫނު ހަދާ މަޖިލީހުތަކުގެ ބައެއް ސްޕީކަރުން ރާއްޖެ ވަޑައިގަންނަވައިފިއެވެ.
ސެޕްޓެމްބަރުމަހުގެ 1 އިން 2 ވަނަ ދުވަހުގެ ނިޔަލަށް ކުރިއަށްދާ މި ސަމިޓްގައި ސާރކްގެ ހަ ޤައުމުގެ ސްޕީކަރުން ބައިވެރިވަޑައިގަންނަވާނެއެވެ. ސަމިޓްގައި ބައިވެރިވަޑައިގަންނަވަނީ އަފްޣާނިސްތާން، އިންޑިޔާ، ބަންގްލަދޭޝް، ބޫޓާން، ޕާކިސްތާން، އަދި ސްރީލަންކާގެ ޤާނޫނު ހަދާ މަޖިލީހުގެ ސްޕީކަރުންނެވެ.
ސަމިޓްގައި ބައިވެރިވެ ވަޑައިގަތުމަށް އަފްޣާނިސްތާން، އިންޑިޔާ އަދި ބަންގްލަދޭޝްގެ ޤާނޫނު ހަދާ މަޖިލީހުގެ ސްޕީކަރުން ވަނީ މިހާރު ރާއްޖެ ވަޑައިގަންނަވާފައެވެ. އަދި ބޫޓާން، ސްރީލަންކާ، އަދި ޕާކިސްތާނުގެ ޕާލަމެންޓްގެ ސްޕީކަރުން މިއަދުގެ މެންދުރުގެ ވަގުތެއްގައި ރާއްޖެ ވަޑައިގަންނަވާނެއެވެ.
ސްޕީކަރުންނަށް ވެލާނާ އިންޓަރނޭޝަން އެއަރޕޯޓުން މަރްހަބާ ދެންނެވީ ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި، މަޖިލީހުގެ ނައިބް ރައީސް އީވާ އަބްދުﷲ ގެ އިތުރުން ޤާނޫނުހަދާ މަޖިލީހުގެ ބައެއް މެމްބަރުންނެވެ.
"ސަސްޓެއިނަބަލް ޑިވެލޮޕްމަންޓް ގޯލްސް"ގެ ނަމުގައި ބާއްވާ މި ސަމިޓް އޮތީ ރައްޔިތުންގެ މަޖިލިސް ކުރާ ގޭގައެވެ. ސައުޓް އޭޝިޔަން ސްޕީކާރސް ސަމިޓް ރާއްޖޭގައި ބާއްވާ މިއީ ފުރަތަމަ ފަހަރެއެވެ.
