ސަރުކާރު މުވައްޒަފުން ކޭމްޕޭން ގައި ބައިވެރިވެވަޑައިގަންނަވާ ގޮތުން ހީވާ ކަހަލަ ވަޒީފާ ބަޔާނުގައި އޮންނަނީ ކެމްޕޭން ކޮށްދިނުމޭ: ޑރ އިޔާޒު
23 ޖުލައި 2018 | ހޯމަ 01:46ރައީސް ޔާމިން ސިވިލް ސާވިސްގެ މުވައްޒަފުންނަށާއި ސަރުކާރުގެ ކުންފުނިތަކުގެ މުވައްޒަފުން ކޭމްޕޭންގައި ބައިވެރިވުމަށް ބިރު ދައްކަމުން ގެންދާކަމަށް ކަމަށް ގުޅިފަިއވާ އިދިކޮލު ސިޔާސީ ޕާޓީތަކުނު ބުނޭ
ދީނީ އިލްމުވެރިޔާ ޑރ. މުހައްމަދު އިޔާޒު
ސަރުކާރު މުވައްޒަފުން ރިޔާސީ އިންތިޚާބުގެ ކޭމްޕޭން ދަތުރުތަކުގައި ބައިވެރިވެވަޑައިގަންނަވާ ގޮތުން އެބޭފުޅުންގެ ވަޒީފާ ބަޔާނުގައި އޮންނަނީ ކެމްޕޭން ކޮށްދިނުމޭ ހީފުޅުވާ ކަމަށް މަޝްހޫރު ދީނީ އިލްމުވެރިޔާ ޑރ. މުހައްމަދު އިޔާޒު ވިދާޅުވެއްޖެއެވެ.
ޑރ. އިޔާޒު އާދީއްތަ ދުވަހު ކުރެއްވި ޓްވީޓެއްގައި ވިދާޅުވީ ސަރުކާރު މުވައްޒަފުން އަނބިދަރިންނަށް ކާންދޭ ފައިސާ ކޮޅު ހަލާލު ކުރެވޭތޯ ބަލަން ޖެހޭ ކަމަށެވެ. ނޫން ނަމަ ބޮޑު ހިތާމައަކާ ކުރިމަތިވެދާނެ ކަމަށެވެ.
ރަށްވެހިވެފައިވާ ރަށްނޫން އެހެން ތަނެއްގައި ވޯޓުލުމަށް ރީރެޖިސްޓަރ ކުރުމުގައި ސަރުކާރުގެ މުވައްޒަފުންނަށާއި ކުންފުނިތަކުގެ މުވައްޒަފުންނަށް ބިރު ދައްކަމުން ގެންދާ ކަމަށް ގުޅިފައިވާ އިދިކޮޅު ސިޔާސީ ޕާޓީތަކުން ވަނީ ބުނެފައެވެ. އަދި ރައީސް އަބްދުﷲ ޔާމިން ސިވިލް ސާވިސްގެ މުވައްޒަފުންނަށާއި ސަރުކާރުގެ ކުންފިނިތަކުގެ މުވައްޒަފުން ކޭމްޕޭންގައި ބައިވެރިވުމަށް ބިރު ދައްކަމުން ގެންދާކަމަށް ކަމަށްވެސް ގުޅިފައިވާ އިދިކޮޅު ޕާޓީތަކުން ބުނެއެވެ.
ގުޅިފައިވާ ސިޔާސީ ޕާޓީތަކުން މިއަދު އާދީއްތަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން އަދާލަތު ޕާޓީގެ ހިއުމަން ރައިޓްސް ކޮމިޓީގެ ޗެއަރމަން އަޙްމަދު ނުޢުމާން ވިދާޅުވީ ދައުލަތުގެ މުވައްޒަފުންނާއި ކުންފުނިތަކުގެ މުވައްޒަފުން ބޭނުންކޮށްގެން ރަސްމީ ގަޑީގައި ރީރެޖިސްޓަރ ކުރުމުގެ ކަންކަން ކުރަމުން ގެންދާ ކަމުގެ މައުލޫމާތު ލިބެމުން އަންނަ ކަމުގައެވެ. ވަޒީރުންނާއި ކުންފުނިތަކުގެ ވެރިން މުވައްޒަފުންނާއި އެ މުވައްޒަފުންގެ ޢާއިލާގެ މެންބަރުންގެ މައުލޫމާތު އެއްކުރުމަށާއި އައިޑީކާޑުގެ ކޮޕީ ޙަވާލުކުރުމަށް އަންގަމުން އަންނަ ކަމުގެ މައުލޫމާތު ލިބެމުން އަންނަ ކަމުގައި ނުޢުމާން ވިދާޅުވިއެވެ. އަދި ރީރެޖިސްޓްރޭޝަން ފޯމުތަކުގައި ވޯޓުލާތަން ހާމަނުކޮށް ހަމައެކަނި ސޮއި ކުރުމަށް އަންގަމުން އަންނަ ކަމުގައިވެސް ނުޢުމާން ވިދާޅުވިއެވެ.
