ކ. މާލެ
|
31 އޯގަސްޓް 2019 | ހޮނިހިރު 08:38
ކޭލޯ ނަވާސް
ކޭލޯ ނަވާސް
ގެޓީ އިމޭޖަސް
ކޭލޯ ނަވާސް
ނަވާސް ޕީއެސްޖީއަށް ބަދަލުވުމާ ގާތަށް
 
ރެއާލުން ނަވާސް ޕީއެސްޖީއަށް ވިއްކާލަނީ 15 މިލިއަން ޔޫރޯއަށް

ރެއާލް މެޑްރިޑަށް ކުޅެމުން އަންނަ ކޮސްޓަރިކާގެ ކީޕަރ ކޭލޯ ނަވާސް ޕެރިސް ސެއިންޓް ޖާމަން (ޕީއެސްޖީ) އަށް ބަދަލުވުމާ ގާތަށް ގޮސްފައިވާ ކަމަށް ރިޕޯޓްތައް ބުނެފިއެވެ.

މާސާއިން ބުނީ، ރެއާލް ދޫކޮށް އަންނަ ހޯމަ ދުވަހު ނަވާސް ޕީއެސްޖީއަށް ބަދަލުވާނެ ކަމަށެވެ. އަދި ރެއާލުން ނަވާސް ޕީއެސްޖީއަށް ވިއްކާލަނީ 15 މިލިއަން ޔޫރޯއަށް ކަމަށް ވެސް އެ ނޫހުން ބުނެއެވެ.

ނަމަވެސް ދާދި ފަހުން ރެއާލްގެ ކޯޗު ޒިދާން ބުނީ، ނަވާސްއާ ނުލާ ރެއާލްގެ ސްކޮޑު ފުރިހަމަ ނުވާނެ ކަމަށާއި، އޭނާއަކީ އަބަދުވެސް ކްލަބަށް މުހިންމު ކުޅުންތެރިޔެއް ކަމަށެވެ.

އެގޮތުން ޒިދާން ބުނީ، ކްލަބް ދޫކޮށްލަން ނަވާސް ބޭނުންވާކަން ނޭނގޭ ކަމަށާއި، އެކަހަލަ އެއްވެސް ވާހަކައެއް ހިއްސާ ކޮށްފައި ނުވާ ކަމަށެވެ.

ރިޕޯޓްތައް ބުނާގޮތުން ނަވާސް ހިތްހަމަ ނުޖެހިފައި ހުރީ ރެއާލްއަށް ޗެލްސީގެ ކުރީގެ ކީޕަރު ތިބޯޓް ކޯޓުއާ ގުޅުނު ހިސާބުންނެވެ. ކޯޓުއާ ކްލަބާ ގުޅުނު ހިސާބުން ފެށިގެން ނަވާސް އަށް ފުރަތަމަ 11 އިން ފުރުސަތު ލިބެނީ ވަރަށް މަދުންނެވެ.

އުމުރުން 31 އަހަރުގެ ނަވާސް ހޯދުމަށް ގިނަ ކްލަބްތަކުން އަންނަނީ މަސައްކަތް ކުރަމުން ކަމަށް ރިޕޯޓްތައް ބުނާއިރު، އޭގެ ތެރޭގައި ޔުވަންޓަސް ވެސް ހިމެނޭ ކަމަށް ބައެއް ރިޕޯޓްތައް ބުނެއެވެ. އޭނާ ރެއާލްއާއެކު ހަދާފައިވާ އެއްބަސްވުން ހަމަވާނީ 2020 ގައެވެ.

ލެވެންޓޭ ދޫކޮށްލުމަށް ފަހު ނަވާސް ރެއާލް އަށް ބަދަލުވީ 2014 ވަނަ އަހަރުގެ ސީޒަނުގައެވެ. އެގޮތުން އޭނާ ވަނީ މިހާތަނަށް އެޓީމަށް 162 މެޗު ކުޅެ، އެޓީމާއެކު ސްޕެނިޝް ލަލީގާ، ސްޕެނިޝް ސުޕާ ކަޕް، ޔުއެފާ ޗެމްޕިއަންސް ލީގު ތިންފަހަރު، ޔުއެފާ ސުޕާ ކަޕް ދެފަހަރު އަދި ކްލަބް ވޯލްޑް ކަޕް ތިން ފަހަރު ހޯދާފައެވެ.

ބްރެޒިލްގައި 2014 ވަނަ އަހަރު ބޭއްވި ވޯލްޑްކަޕުން ވިދާލި ކޮސްޓަރިގާ ގައުމީ ޓީމުގެ ނަވާސް ވަނީ އެޓީމަށް މިވީތަނަށް 86 މެޗު ކުޅެދީފައެވެ. އޭނާ ވަނީ 2014 ވަނަ އަހަރު ކޮންކާކަފްގެ އެންމެ މޮޅު ކުޅުންތެރިޔާގެ މަގާމު ވެސް ހޯދާފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް