މަޖިލީހުގެ އާ ގަވާއިދު 48 އިސްލާހާއި އެކު ފާސްކޮށްފިއެވެ.

އާ ގަވާއިދަށް ތަޅުމުގައި ވަނީ 52 އިސްލާހެއް ހުށަހަޅާފައެވެ. ވޯޓަށް އަހާފައިވަނީ ހުށަހެޅުނު އިސްލާހުތަކަށް ވަކިވަކިންނެވެ.

ގަވާއިދު ކޮމިޓީގެ ރިޕޯޓާއި، މަޖިލީހުގެ ގަވާއިދަށް ގެނައި 52 އިސްލާހާ އެކު ފާސްކޮށްފައިވަނީ 61 ވަޯޓުންނެވެ.

19 ވަނަ މަޖިލީހުން އިސްލާހު ކޮށްފައިވަނީ 2010 ވަނަ އަހަރުގެ މާރޗްމަހުގެ ދެވަނަ ދުވަހު 17 ވަނަ މަޖިލީހުން އެކުލަވާލާފައިވާ ގަވާއިދެވެ. މެއި މަހުގެ 29 ވަނަ ދުވަހު އޮތް ޖަލްސާގައި ފާސްކޮށްފައިވަނީ 30 ދުވަހުގެ ތެރޭގައި މިހާރު އަމަލުކުރަމުންދާ މަޖިލީހުގެ ގަވާއިދުގެ ބަދަލުގައި، 17 ވަނަ ރައްޔިތުންގެ މަޖިލީހުގައި ފާސްކުރި ގަވާއިދަށް އަމަލުކުރުމަށް ގެންނަން ޖެހޭ ބަދަލުތައް ގެނައުމަށެވެ.

މަޖިލީހުގެ ގަވާއިދު އެކުލަވާލުމަށް ހެދި 11 މެމްބަރުންގެ ކޮމިޓީގެ މަސައްކަތް ނިންމުމަށްފަހު، ހޯމަ ދުވަހުގެ މަޖިލިސް ޖަލްސާއަށް ވަނީ ކޮމިޓީގެ ރިޕޯޓް އިއްވާފައެވެ. ކޮމިޓީގެ ރިޕޯޓަށް އިސްލާހު ހުށަހެޅުމުގެ ފުރުސަތު ހުޅުވާލުމުން، އެމްޑީޕީގެ މެމްބަރުން ވަނީ ގިނަ އިސްލާހުތަކެއް ހުށަހަޅާފައެވެ. އެގޮތުން ގަވާއިދަށް ޖުމްލަ 52 އިސްލާހެއް ވަނީ ހުށަހަޅާފައެވެ. އެއީ ގަވާއިދުގެ މާއްދާއެއް އިސްލާހު ކުރަން ހުށަހެޅުނު އިސްލާހު ތަކާއި ގަވާއިދުގެ މާއްދާއަށް އަކުރެއް އިތުރުކުރުމަށް ހުށަހެޅުނު އިސްލާހެކެއެވެ. އަދި މުޅި ރިޕޯޓަށް އެއް އިސްލާހުއެވެ.

މަޖިލީހުގެ ގަވާއިދު އެކުލަވާލުމަށް ހެދި ގަވާއިދު ކޮމިޓީގެ ރިޕޯޓް މަޖިލީހުގެ ތަޅުމަށް ހުށަހަޅުއްވަމުން، ކޮމިޓީގެ މުގައްރިރު މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވީ ކޮމިޓީން މަޖިލީހުގެ މުޅި ގަވާއިދަށް 40 އިސްލާހެއް ގެނެސްފައިވާ ކަމަށެވެ. މަޖިލީހުގެ ގަވާއިދުތަށް އެކުލަވާލަމުން އައިރު، ކޮމިޓީން މަސައްކަތް ކޮށްފައިވަނީ، މަޖިލީހަށް ހުށަހެޅޭ ކަންކަން ވީހާވެސް އަވަހަށް ނިންމުމަށާއި،ރައްޔިތުން އެދޭ ކަންތައް ހަލުވި ސްޕީޑްގައި ނިންމުމަށް މަސައްކަތް ކުރެވޭނެ ގޮތަށް މަޖިލީހުގެ ގަވާއިދު އިސްލާހު ކުރުމަށް ކަމަށެވެ. ޝަރީފް ވިދާޅުވީ އާ ގަވާއިދު އެކުލަވާލިއިރު، ކޮމިޓީން ބަލާފައިވަނީ ނަޒާހަތްތެރި މަޖިލީހެއް އުފެދިގެންދާނެ ގޮތަށް ގަވާއިދު އެކުލަވާ ލުމަށެވެ.

ކޮމިޓީއިން މަޖިލީހުގެ ގަވާއިދަށް ގެނެސްފައިވާ މުހިއްމު ބަދަލުތަކަށް ބަލާއިރު، މަގްބޫލް އުޒުރެއްނެތި މަހެއްގެ ދެ ބައިކުޅަ އެއްބައި ޖަލްސާއަށް ހާޒިރުނުވެއްޖެނަމަ މެމްބަރުންގެ މުސާރައިގެ 50 ޕަސެންޓް އުނިވާ ގޮތަށް މަޖިލީހުގެ ގަވާއިދަށް ވަނީ ބަދަލު ގެނެސްފައެވެ. މަގްބޫލް އުޒުރެއްނެތި މަޖިލީހުގެ ޖަލްސާތަކުގެ ތެރެއިން މަހެއްގެ ދެބައި ކުޅަ އެއްބައި ޖަލްސާއަށް މެމްބަރަކު ސަލާމް ބުނެފިނަމަ، މެމްބަރުގެ މުސާރައިގެ ދެބައި ކުޅަ އެއްބައި ކެނޑޭނެއެވެ. އެއީ މުސާރައިގެ 50 ޕަސެންޓްއެވެ. މަގްބޫލް އުޒުރުގެ ގޮތުގައި ބަލަން ނިންމާފައިވަނީ ސަލާމާއި، ޗުއްޓީ އެވެ. މެމްބަރުންނާއި، މެމްބަރުން އަނބިންނާއި ފިރިންގެ މާލީ ބަޔާން ޝާއިއުކުރުމަށް ލާޒިމް ކުރާ ގޮތަށް ގަވާއިދަށް ވަނީ ބަދަލު ގެނެސްފައެވެ.

ރައްޔިތުންގެ މަޖިލީހުގެ ދައުރު ދެވަނަ ދައުރާއި ތިންވަނަ ދައުރުވަނީ ކުރިން އޮތް ގޮތަށް ބަދަލުކޮށްފައެވެ. މަޖިލީހުގެ ދައުރުތައް މިހާރު ހިނގާނީ ފުރަތަމަ ދައުރު ހިނގާނީ 01 ފެބްރުއަރީން ފެށިގެން 30 އެޕްރީލް އަށެވެ. ދެވަނަ ދައުރު ހިނގާނީ 01 ޖޫން އިން ފެށިގެން 31 އޮގަސްޓަށެވެ. އަދި ތިންވަނަ ދައުރު ހިނގާނީ 01 އޮކްޓޫބަރު އިން 30 ނޮވެމްބަރުގެ ނިޔަލަށެވެ.

ނަމަވެސް ޤަވާއިދު ކޮމިޓީންވަނީ ދެ ވަނަ ދައުރާއި ތިން ވަނަ ދައުރު ކުރިން އޮތް ގޮތަށް ބަދަލުކޮށްފައެވެ. އެހެންކަމުން ފުރަތަމަ ދައުރު ހިނގާނީ 01 ފެބްރުއަރީން ފެށިގެން 30 އެޕްރީލް އަށެވެ. ދެވަނަ ދައުރު ހިނގާނީ 01 ޖޫން އިން ފެށިގެން 31 އޮގަސްޓަށެވެ. އަދި ތިންވަނަ ދައުރު ހިނގާނީ 01 އޮކްޓޫބަރު އިން 30 ނޮވެމްބަރުގެ ނިޔަލަށެވެ.

ގާނޫނުއަސާސީގައި ބުނެފައިވާ ގޮތުން މަޖިލީހުގެ ގަވާއިދު ހަދަން ވާނީ ރައްޔިތުން ފުރިހަމައަށް ތަމްސީލުވާނެ ގޮތަށް އަދި އެބައި މީހުންގެ ފުރިހަމަ ބައިވެރިވުން ލިބޭނެ ދިމިގްރާތީ އުސޫލުތައް އެކުލެވޭނެ އަދި ޖަވާބުދާރީވާ، ހާމަކަން ބޮޑު ގޮތަކަށް މަޖިލިސް ހިންގުމަށް ބޭނުންވާނެ އުސޫލުތަކުގެ މައްޗަށެވެ.

މަޖިލީހުން ހަދާ ގަވާއިދުގައި މެމްބަރުންގެ ސުލޫކީ މިންގަނޑުތަކާއި ހާޒިރީއާ ގުޅޭ އުސޫލުތައް ހިމެނިދާނެ ކަމަށާއި މަޖިލީހުގެ ތިންބައިކުޅަ ދެބައިގެ އަގުލަބިއްޔަތުން ފާސްވެއްޖެ ނަމަ، މެމްބަރެއްގެ މުސާރަ އާއި އިނާޔަތްތައް ކެނޑޭނެ ގޮތްތައް ވެސް ކަނޑައެޅިދާނެ ކަމަށް ގާނޫނުއަސާސީގެ 88 ވަނަ މާއްދާގައި ބުނެފައިވެއެވެ.