އެމްއާރްއެމް އުފެއްދުމަށް އީސީއަށް ފޯމުތައް ހުށައަޅައިފި
ޕާޓީ އުފެއްދުމުގެ ހުއްދަ ދިނީ ފެބްރުއަރީ މަހުގެ 19 ވަނަ ދުވަހު
ކުރީގެ ރައީސް މައުމޫނު އަބްދުލް ޤައްޔޫމާއި އެމަނިކުފާނަށް ތާއީދުކުރައްވާ ބައެއް މެމްބަރުން
ކުރީގެ ރައީސް މައުމޫނު އަބްދުފް ޤައްޔޫމް އިސްކޮށް ހުންނަވައިގެން އުފައްދަވާ ޕާރޓީ މޯލްޑިވްސް ރިފޯރމް މޫވްމަންޓް (އެމްއާރްއެމް) އުފެއްދުމަށްޓަކައި ބޭނުންވާ ފޯމު އިލެކްޝަންސް ކޮމިޝަން (އީސީ) އަށް ހުށައަޅައިފިއެވެ.
ބުރާސްފަތި ދުވަހު އިލެކްޝަންސް ކޮމިޝަނަށް ފޯމުތައް ހުށައަޅާފައިވާއިރު، އެކަމާ ގުޅޭގޮތުން މީޑިއާއަށް މައުލޫމާތުދެއްވަމުން ރައީސް މައުމޫނުގެ ދަރިކަނބަލުން ޔުމްނާ މައުމޫނު ވިދާޅުވީ، އެމްއާރްއެމް އުފެއްދުމަށްޓަކައި ޖުމުލަ 3313 ފޯމު އިލެކްޝަންސް ކޮމިޝަނަށް ހުށައަޅާފައިވާ ކަމަށާއި، އެކަމުގައި ޕާޓީއަށް ތާއީދުކުރައްވާ ވަރަށް ގިނަ ބައެއްގެ ބުރަ މަސައްކަތާއި ބައިވެރިވުން ހިމެނޭ ކަމަށެވެ. އެގޮތުން އެމްއާރްއެމް އަބަދުވެސް މަސައްކަތް ކުރާނީ ޤައުމުގެ އިސްލާހަށް ކަމަށާއި، އަބަދުވެސް މަސައްކަތް ކުރާނީ ޕާޓީތަކާއި ގުޅިގެން ޤައުމަށް ރަނގަޅު ގޮތް ހޯދައިދެއްވުމަށްޓަކައި ކަމަށްވެސް ޔުމްނާ ވިދާޅުވިއެވެ.
ރައީސް މައުމޫން އެމްއާރްއެމްއަށް ސޮއިކުރެއްވީ އެ ޕާޓީގެ މެންބަރޝިޕް އިތުރުކުރުމުގެ މަސައްކަތް ކުރަމުންދާ އެންދެރިމާގޭގައި ފެބްރުއަރީމަހުގެ 22 ވަނަ ދުވަހުގައެވެ. އެގޮތުން އޭރު ޕީޕީއެމްގެ ރައީސްއަކަށް ހުންނަވަނިކޮށް، އެ މަނިކުފާނު އެ މަގާމުން ވަކިކޮށް، ސިވިލް ކޯޓަށް ހުށަހަޅައިގެން ޕާޓީ ހިންގެވުމުގެ ބާރު ކުރީގެ ރައީސް އަދި މައުމޫންގެ ކޮއްކޯފުޅު އަބްދުﷲ ޔާމީން ނެންގެވި އެވެ.
ޕާޓީ އުފެއްދުމަށް ބޭނުންވާ ފޯމު ހަމަކޮށް ކޮމިޝަނަށް ހުށައަޅާފައިވާއިރު، މޯލްޑިވްސް ރިފޯމް މޫވްމަންޓްގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަން ކޮމިޝަނުން ދީފައިވަނީ ފެބްރުއަރީ މަހުގެ 19 ވަނަ ދުވަހުއެވެ.
