ކުރިނބީގެ ވޯޓު ފޮށީގެ ނަތީޖާ އާއި މެދު ހިންހަމަ ނުޖެހިގެން ޕީޕީއެމްގެ ސަޕޯޓަރުން އީސީއަށް ވަދެއްޖެ

ހދ. ކުރިނބީ ވޯޓު ފޮށީގެ ނަތީޖާއާއި މެދު ހިތްހަމަނުޖެހިގެން ޕީޕީއެމްގެ މެމްބަރުން އިލެކްޝަންސް ކޮމިޝަނަށް ވަދެއްޖެ އެވެ.

ޕީޕީއެމްގެ މެމްބަރުން އިލެކްޝަންސް ކޮމިޝަންގެ އިންތިހާބީ މައި މަރުކަޒު، ބާ ޖަމާލުއްދީންގެ އިމާރަތަށް ވަދުމާއެކު، ފުލުހުންވެސް ވަނީ ހަރަކާތްތެރިވެފަ އެވެ. އަދި ރުޅިގަދަވެފައިވާ ޕީޕީއެމްގެ މެމްބަރުން، ދުރަށްޖެއްސުމަށް ފުލުހުން މަސައްކަތްކޮށްފައިވެއެވެ. ނަމަވެސް ފަހުން، ފުލުހުން ވަނީ އިލެކްޝަންސް ކޮމިޝަންގެ އިންތިހާބީ މަރުކަޒު، ބާ ޖަމާލުއްދީންގެ ހަމަނުޖެހުން ހުއްޓުވާފަ އެވެ.

އިންތިޚާބު ކާމިޔާބު ކުރި ޕީޕީއެމްގެ ދެ ކެންޑިޑޭޓުންގެ ތެރެއިން މުހައްމަދު އަފްރާހަށްވެސް ކުރިނބީ ފޮށިން އިތުރަށް އެއްވޯޓު ލިބިފައިވާ ކަމަށް އާދިއްތަ ދުވަހުގެރޭ އަލުން ގުނާ ނެރުނު ނަތީޖާ ޝީޓުން ދައްކައެވެ. އަފްރާހު އާއި ޝާފީގެ އިތުރުން ދެން ކުރިނބީ ކައުންސިލްގެ އިންތިޚާބު ކާމިޔާބު ކުރީ ޕީޕީއެމްގެ ކެންޑިޑޭޓް އަބްދުލް ފައްތާހު އަބޫބަކުރެވެ.

ރާއްޖެޓީވީއަށް އެނގިފައިވާ ގޮތުގައި ޕީޕީއެމްގެ މެމްބަރުން ރުޅިގަދަވީ، އެމްޑީޕީގެ ކެނޑިޑޭޓަށް އިތުރަށް ލިބުނު ވޯޓު ނުދައްކާ ކަމަށް ބުނެ އެވެ. އަދި އެ މީހުން އިލެކްޝަންސް ކޮމިޝަނަށް އަންގަމުންގެންދިޔައީ އެ ވޯޓު ކަރުދާސް ކޮޅު ދެއްކުމަށެވެ.

އިލެކްޝަންސް ކޮމިޝަނުން ހޮނިހިރު ދުވަހުގެ ރޭ އިއުލާންކުރި ވަގުތީ ނަތީޖާއިން ދައްކާގޮތުގައި ޝާފީގެ އިތުރުން އެމްޑީޕީގެ އެހެން ކެންޑިޑޭޓެއް ކަމުގައިވާ އަހުމަދު މުޖުތަބާ އާއި ޕީޕީއެމްގެ ކެންޑިޑޭޓް އިސްމާއީލް އާސިފަށް ލިބިފައި ވަނީ 218 ވޯޓެވެ. އެހެންކަމުން އާދިއްތަ ދުވަހުގެރޭ އަލުން ކުރިބީ ފޮށި ގުނިއިރު، ޝާފީއަށް އިތުރަށް އެއްވޯޓު ލިބުމުން އެއަދަދު 219 އަށް އިތުރުވެފައިވާކަމަށް ދައްކައެވެ.

އިންތިޚާބު ކާމިޔާބު ކުރި ޕީޕީއެމްގެ ދެ ކެންޑިޑޭޓުންގެ ތެރެއިން މުހައްމަދު އަފްރާހަށްވެސް ކުރިނބީ ފޮށިން އިތުރަށް އެއްވޯޓު ލިބިފައިވާ ކަމަށް އާދިއްތަ ދުވަހުގެރޭ އަލުން ގުނާ ނެރުނު ނަތީޖާ ޝީޓުން ދައްކައެވެ.

އަފްރާހު އާއި ޝާފީގެ އިތުރުން ދެން ކުރިނބީ ކައުންސިލްގެ އިންތިޚާބު ކާމިޔާބު ކުރީ ޕީޕީއެމްގެ ކެންޑިޑޭޓް އަބްދުލް ފައްތާހު އަބޫބަކުރެވެ.