ހޮނިހިރު 18 ޖެނުއަރީ 2020
13 އުތުރަހަޅަ
1441 ޖުމާދަލްއޫލާ 23
ފަތިސް 05:02
އިރުއަރާ 06:17
މެންދުރު 12:20
އަސްރު 15:40
މަޣްރިބް 18:15
އިޝާ 19:31
ދުނިޔެ - ހޮންގްކޮންގް

އިނގިރޭސިވިލާތުގައި ހުންނަ ހޮންގްކޮންގް ކޮންސިއުލޭޓްގައި މަސައްކަތް ކުރާ މީހަކު ހައްޔަރުކުރިކަމަށް ޗައިނާއިން އެއްބަސްވެއްޖެ

  • ހައްޔަރު ކޮށްފައިވަނީ ހޮންގްކޮންގަށް ނިސްބަތްވާ، ސައިމަން ޗެންގް ނަމަކަށް ކިޔާ މީހެއް
  • ހައްޔަރު ކޮށްފައިވާކަން އެނގިފައިވަނީ 8 އޮގަސްޓުން ފަށައިގެން އޭނާ ނުފެނިގެން ހޯދަމުން ދަނިކޮށް
  • ޗައިނާގެ ފޮރިން މިނިސްޓްރީން ބުނި ގޮތުގައި އޭނާ ހައްޔަރުކުރިތާ 15 ދުވަސް ވެއްޖެ

ޝަރޫނާ އަބްދުﷲ
AbdullaSharoona

ކ. މާލެ 21 އޯގަސްޓު 2019 | ބުދަ 18:23 3,513

ހައްޔަރުކުރި ސައިމަން ޗެންގް - ފޭސްބުކް

އިނގިރޭސިވިލާތުގައި ހުންނަ ހޮންގްކޮންގް ކޮންސިއުލޭޓްގައި މަސައްކަތްކުރާ މީހަކު ހައްޔަރުކޮށްފައިވާ ކަމަށް ޗައިނާއިން އެއްބަސްވެއްޖެއެވެ.

މީޑިއާ ރިޕޯޓުތައް ބުނާ ގޮތުން އަންގާރަ ދުވަހު ހައްޔަރު ކޮށްފައިވަނީ ހޮންގްކޮންގަށް ނިސްބަތްވާ، ސައިމަން ޗެންގް ނަމަކަށް ކިޔާ މީހެކެވެ. އަދި އޭނާ ހައްޔަރު ކޮށްފައިވާކަން އެނގިފައިވަނީ 8 އޮގަސްޓުން ފަށައިގެން އޭނާ ނުފެނިގެން ހޯދަމުން ދަނިކޮށެވެ. ޗެންގް ގެއްލިގެން ހޯދީ ބިޒްނަސް ދަތުރަކަށް ދިއުމަށްފަހު އޭނާ ނުފެނިގެންނެވެ.

ޗައިނާގެ ފޮރިން މިނިސްޓްރީން ބުނި ގޮތުގައި އޭނާ ހައްޔަރުކުރިތާ 15 ދުވަސް ވެއްޖެއެވެ. އަދި އޭނާ ހައްޔަރު ކޮށްފައިވަނީ ޗައިނާގެ ޝެންޒެންގުގައި ހުއްޓައެވެ.

އިނގިރޭސިވިލާތުން ވަނީ މިކަމާއިމެދު ކަންބޮޑުވުން ފާޅުކޮށްފައެވެ. އަދި ޗައިނާގެ ބެއިޖިންގްގައި ހުންނަ އެމްބަސީން ދަނީ އޭނާގެ އާއިލާއަށް އެހީތެރިކަން ފޯރުކޮށްދެމުންނެވެ.

28 އަހަރުގެ ޗެންގް ހައްޔަރު ކޮށްފައިވަނީ އާންމު ރައްކާތެރިކަމުގެ ގަވާއިދުތަކާއި ހިލާފުވެގެން ކަމަށް ޗައިނާއިން ބުނެފައިވެއެވެ. ނަމަވެސް އޭނާ ހައްޔަރުކުރީ ކަނޑައެޅިގެން ކޮން ގަވާއިދަކާ ހިލާފުވެގެން ކަމެއް އެގައުމުގެ ހާރިޖީ ވުޒާރާއިން ހާމަކޮށްފައެއް ނުވެއެވެ.

ހޮންކޮންގްގައި ތިބި ކުށްވެރިންގެ ޝަރީއަތް ކުރިއަށް ގެންދިޔުމަށް އެމީހުން ޗައިނާއާ ހަވާލު ކުރުމަށް އެ ގައުމުގެ ގާނޫނު ހަދާ މަޖިލީހަށް ބިލެއް ހުށަހެޅުމާއި ގުޅިގެން އެ ގައުމުގައި ކުރަމުންދާ މުޒާހަރާއާއި ގުޅިގެން އެގައުމަށް އެތެރެވަމުންދާ ފަތުރުވެރިންނަށްވެސް ވަނީ ގިނަ ދަތި އުނދަގޫތަކާ ކުރިމަތިވެފައެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް