ބުންޑަސްލީގާގައި ހާތަ ބާލިންއާ ދެކޮޅަށް ކުޅުނު މެޗުން ބަޔާން މިއުނިކް އެއްވަރުވެއްޖެއެވެ.

ހުކުރު ދުވަހުގެ ރޭ ކުޅުނު މެޗުން ބަޔާން އެއްވަރުވީ ހާތަ ބާލިންއާ ވާދަކޮށް 2-2 ގެ ނަތީޖާއަކުންނެވެ.

ބަޔާން ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ އެޓީމުންނެވެ. އެގޮތުން އެޓީމުން ވަނީ ހާތަ ބާލިންގެ ހާފަށް ބާރުބޮޑުކޮށް ހަމަލާތަކެއް އުފައްދައިފައެވެ.

މެޗުގައި ފުރަތަމަ ލަނޑު ޖަހާ ލީޑު ނެގީ ބަޔާނުންނެވެ. މި ލަނޑު 24 ވަނަ މިނެޓުގައި ގަބްރީގެ އެހީތެރިކަމާއެކު ކާމިޔާބުކުރީ ރޮބާޓް ލެވެންޑޯސްކީއެވެ.

މި ލަނޑަށްފަހު ވެސް ބަޔާންއަށް ލީޑު ފުޅާކުރަން ފުރުސަތުތަކެއް ލިބި ބޭކާރުވިއެވެ. ނަމަވެސް ބަޔާން އިން ރަނގަޅަށް ކުޅެމުން ދަނިކޮށް 36 ވަނަ މިނެޓުގައި ލުކެބަކިއޯ ވަނީ ހާތަ ބާލިންއަށް ނަތީޖާ ހަމަހަމަ ކޮށްދީފައެވެ.

ހާތަނަ ބާލިންއިން ވަނީ ދެ މިނެޓު ތެރޭގައި މެޗުގެ ލީޑު އަނބުރާ ހޯދާފައެވެ. އެގޮތުން 38 ވަނަ މިނެޓުގައި މި ލަނޑު އެޓީމަށް ކާމިޔާބުކޮށްދިނީ ގްރޫޖިކްއެވެ.

ދެވަނަ ހާފް ފެށިގެން ބަޔާންއިން އެޓީމުގެ އެޓޭކްތައް ވަރުގަދަކޮށްފައިވާއިރު، 61 ވަނަ މިނެޓުގައި އެޓީމުން ވަނީ ނަތީޖާ ހަމަހަމަކޮށްފައެވެ. މި ލަނޑު ލިބުނު ޕެނަލްޓީއަކުން ކާމިޔާބުކުރީ ލެވެންޑޯސްކީއެވެ.

މެޗުގެ ފަހު 10 މިނެޓު ތެރޭގައިވެސް ލީޑު ނެގުމަށް ބަޔާންއަށް ވަނީ ދެތިން ހުސް ފުރުސަތު ލިބިފައެވެ. ނަމަވެސް އެ ފުރުސަތުތަކުގެ ބޭނުން އެޓީމަށް ހިފިފައެއް ނުވެއެވެ.

ލީގުގައި ބަޔާން ދެން ކުޅެން ޖެހޭނީ މި މަހުގެ 24 ގައި ރަށުން ބޭރުގައި ޝާލްކޭއާ ދެކޮޅަށެވެ. އަމިއްލަ ދަނޑުގައި ހާތަ ބާލިން މި މަހުގެ 24 ވަނަ ދުވަހު ނިކުންނާނީ ވޮލްފްސްބާގްއާ ދެކޮޅަށެވެ.