ތިންވަނަ އެމްބީއޭކަޕް: ކިންގްސް އާއި ޒިގްޒެގް ކުޅުނު މެޗު ކާމިޔާބުކޮށްފި

ބާސްކެޓްބޯލް އެސޯސިއޭޝަނުން އިންތިޒާމުކޮށްގެން ބާއްވާ ތިންވަނަ އެމްބީއޭކަޕްގައި ކިންގްސް ބާސްކެޓް ކްލަބް އަދި ޒިގްޒެގް ފޯ ޔޫތް ލިންކޭޖް ކުޅުނު މެޗުތަކުން އެޓީމުތަކުން ކާމިޔާބުކޮށްފި އެވެ.

ހޮނިހިރު ދުވަހު ކުޅުނު މެޗު ކިންގްސް ބީސީން ކާމިޔާބުކުރީ ދަ ބައުސް ސްޕޯޓްސް ކްލަބާ ވާދަކޮށް 75 ޕޮއިންޓް 61 ޕޮއިންޓުންނެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ ކިންގްސް ބީސީ އަށް 15 ޕޮއިންޓް ހޯދައިދިން އަހުމަދު ފިރާޝް އެވެ. މީގެއިތުރުން ދަ ބައުސް އަށް މެޗުގައި އެންމެ ގިނަ ޕޮއިންޓް ހޯދައިދިނީ އަމްޒަރު އަބްދުﷲ އެވެ. އޭނާ ވަނީ މެޗުގައި 12 ޕޮއިންޓް ހަމަކޮށްފައެވެ.

ހޮނިހިރު ދުވަހު ކުޅުނު މެޗު ޒިގްޒެގް ފޯ ޔޫތް ލިންކޭޖުން ކާމިޔާބުކުރީ ރެޑް ވިންގްސް ބާސްކެޓް ކްލަބާ ވާދަކޮށް 75 ޕޮއިންޓް 22 ޕޮއިންޓުންނެވެ. މެޗުގެ މޮޅު ކުޅުންތެރިޔަކަށް ހޮވުނީ ޒިގްޒެގް ފޯ ޔޫތް ލިންކޭޖަށް 26 ޕޮއިންޓް ހޯދައިދިން އަމިނަތު ޝިއުރާ އެވެ.

މިމުބާރާތުގެ ދެ ވަނަ ޑިވިޝަންގައި 6 ޓީމް ވާދަކުރެއެވެ. އަދި ފުރަތަމަ ޑިވިޝަންގެ ފިރިހެންބައިގައި 4 ޓީމް ވާދަކުރުމަށް ހަމަޖެހިފައިވާއިރު އަންހެން ބައިގައި ވާދަކުރާނީ 3 ޓީމެވެ.