މިލިއަނަރު ޖެފްރީ އެޕްސްޓެއިން މަރުވެފައި އޮއްވާ ފެނިއްޖެ
11 އޯގަސްޓު 2019 | އާދީއްތަ 10:06އެޕްސްޓެން ދިޔައީ ހަށި ވިއްކުމަށް މީހުން ޓްރެފިކް ކުރުމުގެ ކުށުގައި ހުކުމެއް ތަންފީޒު ކުރަމުން
މިލިއަނަރު ޖެފްރީ އެޕްސްޓެއިން
އެމެރިކާގެ މަޝްހޫރު މިލިއަނަރު ޖެފްރީ އެޕްސްޓެއިން މަރުވެފައި އޮއްވާ ފެނިއްޖެއެވެ.
ޖެފްރީ މަރުވެފައި އޮއްވާ ފެނިފައިވަނީ ހަށި ވިއްކުމަށް މީހުން ޓްރެފިކް ކުރުމުގެ ކުށުގައި ހުކުމެއް ތަންފީޒު ކުރަމުންދަނިކޮށް ޖަލުގައި އޮއްވައެވެ.
އެޕްސްޓެއިން މަރުވެފައި އޮއްވާ ފެނިފައިވަނީ ހޮނިހިރު ދުވަހުގެ ވަގުތެއްގައެވެ. އަދި ރިޕޯޓުތައް ދައްކާގޮތުން، އޭނާ އަމިއްލައަށް މަރުވެފައިވާކަން އެ ޖަލުގެ އޮފިޝަލުން ވަނީ ކަށަވަރުކޮށްދީފައެވެ.
ފެޑެރަލް ބިއުރޯ އޮފް އިންވެސްޓިގޭޝަން (އެފްބީއައި) އިން ދަނީ އެޕްސްޓެއިންގެ މަރު އިތުރަށް ތަހުގީގު ކުރަމުންނެވެ. އަދި މަރުވިއިރު އުމުރުން 66 އަހަރުގެ އެޕްސްޓެއިން ވަނީ އޭނާގެ މައްޗަށް ކޮށްފައިވާ ތުހުމަތުތަކަށް އިންކާރުކޮށްފައެވެ.
އެޕްސްޓެއިންގެ މަރާއިމެދު ގިނަ ބަޔަކު ވަނީ ސުވާލު އުފައްދާފައެވެ. އޭނާ މަރުވެފައިވަނީ ވަރަށް "ފަސޭހަ" އިން ކަމަށް ނިއު ޔޯކްގެ މޭޔަރ ބިލް ޑި ބްލޭސިއޯ ވިދާޅުވެފައިވެއެވެ.
އެޕްސްޓެއިން ވަނީ ޖޫން މަހުވެސް އަމިއްލައަށް މަރުވާން މަސައްކަތް ކޮށްފައެވެ. އޭރު އޭނާގެ އެ މަސައްކަތް ފެއިލްވެ، ޖަލުގައި ހޭނެތިފައި އޮއްވާ ފެނިފައިވެއެވެ.
