ސުދާން އަށް ކަނޑައަޅާފައިވާ ރަޝިޔާގެ އެމްބެސެޑަރ މިރްގަޔަސް ޝްރިންސްކީ މަރުވެފައި އޮއްވާ ފެނިއްޖެއެވެ.
އޭނާ މަރުވެފައި އޮއްވާ ފެނުނީ ބުދަ ދުވަހު އެވެ. ރިޕޯޓްތައް ބުނާ ގޮތުން އޭނާ މަރުވެފައި އޮއްވާ ފެނުނީ ގޭގެ ސުވިމިންގް ޕޫލް ތެރޭގަ އެވެ.
އޭނާ މަރުވާން ދިމާވި ސަބަބެއް އަދި ވަނީ ކަށަވަރު ނުވެފައެވެ. އެހެންނަމަވެސް ބައެއް ނޫސްތައް ބުނާގޮތުން މިރްގަޔަސް އަކީ ލޭގެ ޕްރެޝަރު މަތި މީހެކެވެ.
މިރްގަޔަސް އުފަންވެފައިވަނީ 1954 ވަނަ އަހަރު އެވެ.
މިއީ ރަޝިޔާގެ ޑިޕްލޮމެޓްއަކު މިއަހަރު މަރުވި ނުވަ ވަނަ ފަހަރެއެވެ.
