ކ. މާލެ
|
27 ސެޕްޓެންބަރ 2017 | ބުދަ 09:25
ދޮގުޚަބަރު ލިޔެގެން މަޝްޙޫރުކަން ހޯދި ޕޯލް ހޯނަރ ސީއެންއެންއަށް އިންޓަރވިއުއެއް ދެނީ
ދޮގުޚަބަރު ލިޔެގެން މަޝްޙޫރުކަން ހޯދި ޕޯލް ހޯނަރ ސީއެންއެންއަށް އިންޓަރވިއުއެއް ދެނީ
ސީ.އެން.އެން
ޕޯލް ހޯނަރ
ދޮގު ޚަބަރު ލިޔެގެން މަޝްޙޫރުވި ޕޯލް ހޯނަރ މަރުވެފައި އޮއްވާ ފެނިއްޖެ! މިއީ ތެދު ޚަބަރެއް!
 
މަރުވެފައިވަނީ ބޭސް އޯވަރޑޯޒްވެގެން ކަމަށް ބެލެވޭ

ނިމިގެންދިޔަ އަހަރު އެމެރިކާގައި ބޭއްވި ރިޔާސީ އިންތިޚާބުގެ ދުވަސްވަރު، ސިޔާސީ ކަންތައްތަކާއި ގުޅޭ ދޮގު ޚަބަރު ލިޔެގެން މަޝްޙޫރުކަން ހޯދި ޕޯލް ހޯނަރ މަރުވެފައި އޮއްވައި ފެނިއްޖެއެވެ.

އޭނާ މަރުވެފައި އޮއްވައި ފެނުނު އިރު އޭނާގެ އުމުރަކީ 38 އަހަރެވެ.

އެމެރިކާގައި އޭނާ ދިރިއުޅެމުންދިޔަ ފީނިކްސްގެ މެރިކޯޕާގެ ކައުންޓީ ޝެރިފް އޮފީހުގެ ތަރުޖަމާނު އަންގާރަ ދުވަހުގެރޭ ވިދާޅުވީ، ޕޯލް މަރުވެފައި އޮއްވައި ފެނިފައިވަނީ މި ސެޕްޓެމްބަރ މަހުގެ 18 ވަނަ ދުވަހު ކަމަށާ، އޭނާ މަރުވެފައި އޮތީ އޭނާ ދިރިއުޅެމުންދިޔަ ގޭގައި ކަމަށެވެ.

ތަރުޖަމާނު ވިދާޅުވީ، ޕޯލް އަކީ މަސްތުވުމަށް ޑޮކްޓަރީ ބޭސް ކެއުމުގެ ރިކޯޑް އޮތް މީހެއް ކަމަށާ، އޭނާ މަރުވެފައިވަނީވެސް ބޭސް އޯވަރޑޯޒްވެގެން ކަމަށް ބެލެވޭ ކަމަށެވެ. ނަމަވެސް މިކަން ޔަޤީން ވާނީ މިޙާރު ހަދަމުންދާ ބައެއް ޓެސްޓްތައް ހަދައި ނިމުމުން ކަމަށް ތަރުޖަމާނު ވިދާޅުވިއެވެ.

2016 ވަނަ އަހަރު ޕޯލް މަޝްޙޫރުވެގެން ދިޔައީ، ސިޔާސީ މަސްރަހާއި ގުޅޭގޮތުން އޭނާ ލިޔުނު ދޮގު ޚަބަރުތައް ފޭސްބުކް އާއި އެހެނިހެން ސޯޝަލް މީޑިއާ ޕްލެޓްފޯމްތަކުގައި ވައިރަލްވެ، އެތައް ހާސް ބަޔަކު އެ ޚަބަރުތައް ޝެއާކުރުމުންނެވެ.

ޕޯލް ލިޔެފައިވާ ދޮގު ޚަބަރުތަކުގެ ތެރެއިން ބޮޑު މަޤުބޫލުކަމެއް ލިބިގެންދިޔަ ޚަބަރުތަކުގެ ތެރޭގައި އެމެރިކާގެ ކުރީގެ ރައީސް ބަރަކް އޮބާމާ އަކީ ހަރުކަށި ފިކުރުގެ މުސްލިމެއް ކަމަށް ބުނެ ލިޔެފައިވާ ޚަބަރަކާއި، އެމެރިކާގެ ރައީސް ޑޮނާލްޑް ތްރަމްޕްގެ ރިޔާސީ ކެމްޕެއިން ރެލީތަކަށް މީހުން އެއްކުރީ ކޮންމެ މީހަކަށް އެތައް ހާސް ޑޮލަރެއް ދީގެން ކަމަށް ބުނާ ޚަބަރު ހިމެނެއެވެ.

ރިޔާސީ އިންތިޚާބުގެ ދުވަސްވަރު ޕޯލްގެ ދޮގު ޚަބަރުތަކުގެ މަޤުބޫލުކަން އިތުރުވެގެން ދިޔައިރު، ދި ވޮޝިންގްތަން ޕޯސްޓަށް އޭނާ ދިން އިންޓަރވިއުއެއްގައި ބުނެފައިވަނީ، އެމެރިކާގެ ވެރިކަމަށް ޑޮނާލްޑް ޓްރަމްޕް އިންތިޚާބުވުމުގެ އެއް ސަބަބަކީ އޭނާ ލިޔުނު ދޮގު ޚަބަރުތައް ރައްޔިތުންގެ ތެރޭގައި ފެތުރިގެން ދިޔަ މިންވަރުކަމަށް ޤަބޫލުކުރާ ކަމަށެވެ. ޕޯލް ބުނީ އޭނާގެ ބޭނުމަކަށްވީ ޓްރަމްޕަށް ތާޢީދުކުރާ މީހުންނަކީ ކިހާ ގަމާރު ބައެއްކަން ހާމަކޮށްދިނުން ކަމަށާ، އެކަން ވަރަށް ރަނގަޅަށް ސާބިތުކޮށްދެވުނު ނަމަވެސް، އެ ޓްރަމްޕް އިންތިޚާބުވުމަށް ލިބުނު ބާރަކަށް ވެވުނީތީ ހިތާމަކުރާ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
0%
0%
0%
0%
ކޮމެންޓް