ހޮނިހިރު 24 އޯގަސްޓު 2019
01 ފުރަ
1440 ޒުލްޙައްޖު 22
ފަތިސް 04:48
އިރުއަރާ 06:00
މެންދުރު 12:12
އަސްރު 15:22
މަޣްރިބް 18:17
އިޝާ 19:30
ކުޅިވަރު - ޖޯ ކަންސެލޯ

ޔުވެންޓަސް ދޫކޮށް ކަންސެލޯ ސިޓީއަށް ބަދަލުވެއްޖެ

  • އުމުރުން 25 އަހަރުގެ ކަންސެލޯ ސިޓީއަށް ބަދަލުވީ 2025 ވަނަ އަހަރުގެ ނިޔަލަށް

ލީވާން އަލީ
MrLeevaan

ކ. މާލެ 8 އޯގަސްޓު 2019 | ބުރާސްފަތި 11:56 1,463

ޖޯ ކަންސެލޯ - ޓްވިޓަރ

ޔުވެންޓަސް ދޫކޮށް ޕޯޗުގަލްގެ ވިންގާ ޖޯ ކަންސެލޯ މެންޗެސްޓަރ ސިޓީއަށް ބަދަލުވެއްޖެއެވެ.

އުމުރުން 25 އަހަރުގެ ކަންސެލޯ ސިޓީއަށް ބަދަލުވީ 2025 ވަނަ އަހަރުގެ ނިޔަލަށް 60 މިލިއަން ޕައުންޑުގެ އަގަކަށެވެ.

ސިޓީއަށް ބަދަލުވުމަށް ފަހު ކަންސެލޯ ބުނީ، އެ ކްލަބަކީ ވަރަށް ރަނގަޅު ކޯޗަކާއެކު ވަރަށް އޯގަނައިޒްކޮށް ހިންގަމުން އަންނަ ކްލަބެއް ކަމަށާއި، ކްލަބާ ގުޅުމުން ވަރަށް ހިތްހަމަ ޖެހިފައި ހުރި ކަމަށެވެ.

އެގޮތުން ކަންސެލޯ ބުނީ، ސިޓީގެ ކުޅުމުގެ ވައްޓަފާޅި އާއި ހުރި ވަސީލަތްތަކުން ކްލަބާމެދު ވަރަށް ގަޔާވާ ކަމަށާއި، ކުރިޔަށް އޮތް ސީޒަނުގައި ކްލަބާއެކު ކާމިޔާބު ހޯދަން ކެތްމަދުވެފައި ހުރި ކަމަށެވެ.

ބެންފީކާއިން ކެރިޔަރު ފެށި ކަންސެލޯ ވަނީ ވެލެންސިއާ އަދި އިންޓަ މިލާނަށްވެސް ކުޅެފައެވެ. އޭނާ ޔުވެންޓަސްއަށް ބަދަލުވީ މިދިޔަ ސީޒަނުގައި 35 މިލިއަން ޕައުންޑުގެ އަގަކަށެވެ.

ބެންފީކާއާއެކު ލީގު ތަށި އަދި ލީގު ކަޕް ހޯދާފައިވާ ކަންސެލޯ ވަނީ ޔުވެންޓަސްއާއެކު ލީގު ކާމިޔާބުކުރުމުގެ އިތުރުން އިޓާލިއަން ކަޕްވެސް ކާމިޔާބުކޮށްފައެވެ.

ޕޯޗުގަލް ގައުމީ ޓީމަށް ކުޅުނު 14 މެޗުގައި ތިން ލަނޑު ކާމިޔާބުކޮށްފައިވާ ކަންސެލޯ ވަނީ ގައުމީ ޓީމާއެކު 21 އަހަރުން ދަށުގެ ޔޫރޯ ކާމިޔާބުކުރުމުގެ އިތުރުން ސީނިއަރ ޓީމާއެކު ޔުއެފާ ނޭޝަންސް ލީގު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް