ހދ. އަތޮޅުގެ ބައެއް ރަށްތަކަށް ސްޕީޑްފެރީގެ ޚިދުމަތް ފުޅާކޮށްފި
5 އޯގަސްޓު 2019 | ހޯމަ 04:21މި ޚިދުމަތް ދިނުމަށް ހަމަޖެހިފައިވަނީ ހަފްތާއެއްގެ ތިން ދުވަހު
ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަކުނުދޫ ދާއިރާއަށް ފެރީގެ ޚިދުމަތް އިފްތިތިތާހުކޮށްދެއްވަނީ ކޮށްދެނީ
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ހއ. އަދި ހދ. އަތޮޅުގައި ގާއިމް ކޮށްފައިވާ ސްޕީޑްފެރީގެ ޚިދުމަތް ހދ. މަކުނުދޫއިން ހދ. ކުޅުދުއްފުއްޓާއި ދެމެދު ފުޅާކޮށްފިއެވެ.
މި ޚިދުމަތް ފުޅާކުރުމަށް ބޭއްވި ރަސްމިއްޔާތުގައި މި ޚިދުމަތް އިފްތިތާހުކޮށްދެއްވީ ރައްޔިތުންގެ މަޖިލީހުގެ ރައީސް ރައީސް މުހައްމދު ނަޝީދު އެވެ.
އާދިއްތަ ދުވަހު އިފްތިތާހުކުރެވުނު ޚިދުމަތް ދެވޭ ރަށްތަކުގައި ހިމެނެނީ ހދ. މަކުނުދޫ، ހދ. ވައިކަރަދޫ، ހދ. ކުމުންދޫ އަދި ހދ. ކުޅުދުއްފުއްޓެވެ.
މިރަށްތަކުގެ ތެރެއިން ހދ. މަކުނުދޫއިން ހދ. ކުމުންދޫ އަދި ހދ. ކުޅުދުއްފުއްޓަށް ދިއުމަށް ކަނޑައެޅިފައިވާ އަގަކީ 250 ރުފިޔާއެވެ. އަދި މަކުނުދޫއިން ހދ. ވައިކަރަދޫ އަދި ހދ. ނޭކުރަންދޫއަށް ދިއުމަށް ކަނޑައެޅިފައިވާ އަގަކީ 200 ރުފިޔާއެވެ. މި ޚިދުމަތުގައި އެކުލެވޭ އެހެނިހެން ހުރިހާ ރަށަކުން ދަތުރުކުރުމަށް ކަނޑައެޅިފައިވާ އަގަކީ 75 ރުފިޔާއެވެ.
މި ޚިދުމަތް ދިނުމަށް ހަމަޖެހިފައިވަނީ ހަފްތާއެއްގެ ތިން ދުވަހު އެވެ. އެއީ އާދިއްތަ، ހޯމަ އަދި ބުދަ އެވެ.
މިއަހަރުގެ އެޕްރީލް މަހުގެ 16 ގައި ފެށި ނޯތް ސްޕީޑްގެ ޚިދުމަތް މިވަގުތުވެސް ހއ. އަދި ހދ. އަތޮޅުގެ ރަށްތަކަށް ދެމުންދެއެވެ. މި ހީދުމަތުގެ މައުލޫމާތާއި ތާވަލް އެމްޓީސީސީގެ ވެބްސައިޓްhttp://transport.mtcc.mvގައި ލިބެން ހުންނާނެކަމަށް އެ ކުންފުނިން ބުންޏެވެ.
