12 ވަނަ ސައުތު އޭޝިއަން ބޮޑީ ބިލްޑިންގް އެންޑް ފިޒީކް ޗެންޕިއަން ޝިޕްގައި ރާއްޖޭއަށް މެޑަލް ހޯދައިދިން މެޑަލިސްޓުންނާއި ޔޫތު މިނިސްޓަރ އަހުމަދު މަހްލޫފް ބައްދަލު ކުރައްވައިފިއެވެ.

12 ވަނަ ސައުތު އޭޝިއަން ބޮޑީ ބިލްޑިންގް އެންޑް ފިޒީކް ޗެންޕިއަން ޝިޕްގައި ފިރިހެނުންގެ 170 ސެންޓިމީޓަރުގެ ސްޕޯޓްސް ފިޒީކްއިން އަޒްނީން ރަޝީދް ވަނީ ގޯލްޑް މެޑަލް ހޯދާފައެވެ. އަދި ފިރިހެނުންގެ 167 ސެންޓިމީޓަރުގެ އެތްލެޓިކް ފިޒީކްއިން ފަތުހުﷲ މުހައްމަދު ވަނީ ބްރޯންޒް މެޑަލް ހޯދާފައެވެ. އަދި އަހުމަދު ފަޒީލް ވަނީ ފިރިހެނުންގެ އެތްލެޓިކް ފިޒީކް ކެޓަގަރީން ބްރޯންޒް މެޑަލް ހޯދާފައެވެ. އަދި ޖޫނިއަރ ފިރިހެނުންގެ ބޮޑީބިލްޑިންގ ކެޓަގަރީން އަހުމަދު މާހިލް ސައީދު ވަނީ ގޯލްޑް މެޑަލް ހޯދާފައެވެ.

މެޑަލިސްޓުންނާއި ބައްދަލުކުރައްވައި ޔޫތް މިނިސްޓަރ ވިދާޅުވެފައިވަނީ ނޭޝަނަލް ޓީމަށް ފުރަތަމަ ފަހަރަށް ބޭރުގެ ކޯޗެއް ހަމަޖައްސައިދެއްވާނެ ކަމަށާއި އަދި އެކަމަށް ހާއްސަ ޖިމް އެއް ވަރަށް އަވަހަށް ހުޅުވައިދެއްވާނެ ކަމަށެވެ.

މި ބައްދަލުވުން ކުރިޔަށް ގެންގޮސްފައިވަނީ މިނިސްޓްރީ އޮފް ޔޫތް ސްޕޯޓްސް އެންޑް ކޮމިއުނިޓީ އެންޕަވަރމެންޓްގެ އޮފީހުގައި އާދިއްތަދުވަހުއެވެ.