ބުދަ 17 ޖުލައި 2019
03 ފުސް
1440 ޒުލްގައިދާ 14
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ކުޅިވަރު - ފުޓުބޯޅަ

ރޭންކިންގައި ރާއްޖެއަށް ނުވަ ދަރަޖައިގެ ކުރިއެރުމެއް

  • ފީފާ ރޭންކިންގައި ރާއްޖެ އަށް ނުވަ ދަރަޖައިގެ ކުރިއެރުމެއް
  • ރޭންކިންގައި ރާއްޖެ އޮތީ ދުނިޔޭގެ 145 ވަނައިގަ
  • ސާކް ސަރަހައްދުގެ އެއްވަނައިގައި އޮތީ އިންޑިއާ

ނާފިއު ރަޝީދު
NaphiuR

ކ. މާލެ 15 ޖެނުއަރީ 2017 | އާދީއްތަ 03:07 2,048

ގައުމީ ފިރިހެން ފުޓުބޯޅަ ޓީމު - ފޭސްބުކް

ފީފާ ވޯލްޑް ރޭންކިންގައި ރާއްޖޭގެ ގައުމީ ފުޓްބޯޅަ ޓީމު މި ފަހަރު ނުވަ ދަރަޖައިގެ ކުރިއެރުމެއް ހޯދައިފިއެވެ.

ނުވަ ދަރަޖައިގެ ކުރިއެރުމަކާ އެކީ ރާއްޖެ އޮތީ، ރޭންކިންގެ 145 ވަނައިގައެވެ. ރޭންކިންގައި ބޮޑު ކުރިއެރުމެއް ހޯދި ނަމަވެސް، މިފަހަރުވެސް ރާއްޖެ އޮތީ ސާކް ސަރަހައްދުގެ ދެވަނައިގައެވެ.

ސާކް ސަރަހައްދުގެ އެއްވަނައިގައި މިފަހަރުވެސް އޮތީ އިންޑިއާއެވެ. އިންޑިއާއަށް މިފަހަރު ހަ ދަރަޖައިގެ ކުރިއެރުމެއް ލިބިފައިވާއިރު، އެގައުމު އޮތީ ރޭންކިންގެ 129 ވަނައިގައެވެ.

ހަ ދަރަޖައިގެ ކުރިއެރުމަކާއެކީ، މި ސަރަހައްދުގެ ތިންވަނައިގައި މިފަހަރު އޮތީ، ނޭޕާލްއެވެ. އެގައުމު އޮތީ ރޭންކިންގެ 175 ވަނައިގައެވެ. އެއް ދަރަޖައިގެ ކުރިއެރުމަކާއެކީ ރޭންކިންގެ 176 ވަނައާއެކު، މި ސަރަހައްދުގެ ހަތަރުވަނަ ބޫޓާންއަށް ލިބޭއިރު، ފަސްވަނަ ލިބެނީ ބަންގްލަދޭޝްއަށެވެ.

ބަންގްލަދޭޝް އޮތީ ފަސް ދަރަޖައިގެ ވެއްޓުމަކާއެކީ، ރޭންކިންގެ 190 ވަނައިގައެވެ. އެއް ދަރަޖައިގެ ވެއްޓުމަކާއެކީ ރޭންކިންގެ 196 ވަނައާއެކު، މި ސަރަހައްދުގެ ހަތްވަނަ ލިބެނީ ސްރީލަންކާއަށެވެ.

މި ސަރަހައްދުގެ ފުލުގައި މިފަހަރުވެސް އޮތީ ޕާކިސްތާންއެވެ. އެގައުމު އޮތީ ރޭންކިންގެ 197 ވަނައިގައެވެ.

ފީފާ ރޭންކިންގެ އެއްވަނައިގައި މިފަހަރުވެސް އޮތީ އާޖެންޓީނާއެވެ. ދެވަނައިގައި ބްރެޒިލް އޮތްއިރު، ތިންވަނައިގައި އޮތީ ޖަރުމަނެވެ.

އެންމެ ފަހުން އަޕްޑޭޓް ކުރީ: 1 ހަފްތާކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް