ސޫދާނުގައި ހައިހޫނުކަމުގެ ސަބަބުން ކުރި މުޒާހަރާއެއްގެ ތެރެއިން ސްކޫލް ކުދިންތަކެއް މަރާލުމާގުޅިގެން އެގައުމުގެ ހުރިހާ ސްކޫލުތަކެއް ބަންދުކުރުމަށް އެ ގައުމުގައި މިހާރު ވެރިކަން ކުރަމުންދާ ސިފައިންގެ އަސްކަރީ މަޖިލީހުން ގޮވާލައިފިއެވެ.
ސޫދާނުގެ އުބެއިދުގައި ކުރި މުޒާހަރާގައި ފަސް މީހުން މަރުވެފައިވާއިރު އޭގެ ތެރޭގައި ހަތަރު ސްކޫލު ކުދިން ހިމެނެއެވެ. އަދި މި މުޒާހަރާގައި 65 ވުރެ ގިނަ މީހުން ޒަހަމްވެފައިވެއެވެ.
މި ހަރުކަށި އަމަލުގެ ސަބަބުން ސޫދާންގެ ވެރިރަށް ހަރުތޫމުގައި ގިނަ ސްކޫލް ކުދިންތަކެއް ވަނީ އިންސާފަށް ގޮވާލައި މުޒާހަރާ ކޮށްފައެވެ. އަދި ސޫދާނުގެ އެހެނިހެން ސަރަހައްދުތަކުގައި ވެސް މިކަމާއި ގުޅިގެން މުޒާހަރާތައް ކުރިއަށް ދިޔަކަން ފާހަގަ ކޮށްލެވެއެވެ.
މީގެ އިތުރުން އ.ދ ގެ ކުޑަކުދިންގެ ހައްގުތައް ރައްކާތެރިކޮށްދޭ ޖަމާއަތުން ވެސް ވަނީ މިކަން ހަރުކަށި އިބާރާތުން ކުށްވެރިކޮށް، ކަން ހިނގި ގޮތް ތަހުގީގު ކުރުމަށް ކަމާބެހޭ ފަރާތްތަކަށް ގޮވާލާފައެވެ.
ސޫދާނުގައި އިންސާނީ ހައްގުތަކަށް އަރައިގަތުމުގެ ކުށެއް ހިންގައިފިނަމަ ހުކުމަކީ މަރުގެ އަދަބު ދިނުމެވެ.
