ފާއިތުވި ހަފްތާގައި އެކަނިވެސް 50 އެކްސިޑެންޓް
28 ޖުލައި 2019 | އާދީއްތަ 03:45ފާއިތުވި ހަފްތާގައި ލައިސަންސް ނެތި 109 މީހުންވަނީ އުޅަނދު ދުއްވާފަ
ފާއިތުވި ހަފްތާގެ އެކްސިޑެންޓް ތަކުގައި 15 މީހަކަށް ވަނީ އަނިޔާވެފަ
ފާއިތުވި ހަފްތާގައި އެކަނި ވެސް 50 އެކްސިޑެންޓް މާލެ ސަރަހައްދުގައި ހިނގާފައިވާ ކަމަށް ފުލުހުންގެ ޓްރެފިކް ޑިޕަރޓްމެންޓްގެ ތަފާސްހިސާބްތަކުން ދައްކައިފިއެވެ.
ޓްރެފިކް ފުލުހުންގެ ތަފާސްހިސާބްތައް ދައްކާގޮތުން މި އެކްސިޑެންޓް ތަކުގައި 15 މީހަކަށް އަނިޔާވެފައިވާއިރު ފަސް މީހެއްގެ ލައިސަންސް ފުލުހުން ވަނީ ހިފަހައްޓާފައެވެ.
ފާއިތުވި ހަފްތާގައި ލައިސަންސް ނެތި އުޅަނދު ދުއްވި 109 މީހުންނާއި ލައިސަންސް އޮތް ނަމަވެސް ލައިސަންސް ނުލާ އުޅަނދު ދުއްވި 66 މީހުން ފުލުހުން ހުއްޓުވާފަވާ ކަމަށް ތަފާސްހިސާބްތަކުން ދައްކައެވެ. އަދި މުއްދަތު ހަމަވެފައިވާ ލައިސަންސާއެކު ދުއްވުމުގެ ސަބަބުން އަށް މީހެއްގެ ލައިސަންސް ވަނީ ހިފަހައްޓާފައެވެ.
ދުއްވަން ކަނޑައަޅާފާވާ މިންވަރަށް ވުރެ ބާރަށް ދުއްވުމުގެ ސަބަބުން 55 މީހުން ފުލުހުން ހިފަހައްޓާފައި ވާއިރު ޓްރެފިކް ނިޝާންތަކަށް ނުބަލާދުއްވުމުގެ ސަބަބުން 13 މީހުން އަދި 18 އަހަރު ނުވާ ދެ ކުދިން ފާއިތުވި ހަފްތާގެ ތެރޭގައި ވަނީ ހުއްޓުވާފައެވެ. އުޅަނދުގެ އަހަރީ ފީ ނުދައްކާ 29 އުޅަދާއި އިންޝޫރަންސް ނުދައްކާ 41 އުޅަދެއް ފުލުހުން ވަނީ ހުއްޓުވާފައެވެ.
މީގެ އިތުރުން ޓްރެފިކް ގަވާއިދު ތަކާ ހިލާފަށް ފޯނުގައި އިނދެގެން ނުވަތަ ހެޑްސެޓް ޖަހައިގެން އުޅަދު ދުއްވި 45 މީހުނަށް އަދި ދުންފަތުގެ އިސްތިއުމާލް ކުރަމުން އުޅަނދު ދުއްވި 03 މީހަކު ހިފަހައްޓާ ފުލުހުން ވަނީ ނަސޭހަތްދީފައެވެ. އޯވަރޓޭކް ކުރި 17 ފަރާތް ފުލުހުން ވަނީ ފާހަގަ ކޮށްފައެވެ.
ފާއިތުވި ހަފްތާގައި ޖުމްލަ 220 އުޅަނދު ފުލުހުންވަނީ ފާސްކޮށްފައިވާއިރު 256 އުޅަދެއްގައިވަނީ ގަވައިދާ ހިލާފަށް ޕާކް ކުރުމުގެ ސަބަބުން ސްޓިކާރ ޖަހާފައެވެ. އަދި 43 އުޅަނދު ވަނީ ޓޯ ކޮށްފައެވެ.
