އަތުގުޅާލުމުގެ ހަރަކާތް ކުރިއަށްދާ ވަގުތު އިންޖީނުލީ އުޅަނދު ދުއްވުން މަނާ!

އަތުގުޅާލުމުގެ ހަރަކާތް ކުރިއަށްދާ ވަގުތު ބޮޑު ތަކުރުފާނު މަގުގައި، މާލެ ވަށާ އިންޖީނުލީ އުޅަނދު ދުއްވުން ޓްރާންސްޕޯޓް މިނިސްޓްރީން މަނާކޮށްފިއެވެ.

ހޯމް މިނިސްޓްރީން އިންތިޒާމްކޮށްގެން ބާއްވާ މި ހަރަކާތް އޮތީ 30 ޖުލައިގެ ހަވީރު 4.45 ގައެވެ.

ޓްރާންސްޕޯޓް މިނިސްޓްރީން ބުނީ 30 ޖުލައިގެ ހަވީރު 4.30އިން 6.00 އަށް ބޮޑުތަކުރުފާނުމަގުގައި، މާލެ ވަށާ އިންޖީނުލީ އެއްގަމު އުޅަނދު ދުއްވުމަކީ މަނާ ކަމެއް ކަމަށެވެ.

މިނިސްޓްރީން ބުނީ އެ ގަނޑިތަކުގައި ދުއްވޭނީ ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދާއި، އެމްބިއުލެންސް، އާ ފުރާ މީހުން ބޭނުންކުރުމަށް ހުއްދަ ދެވޭ އުޅަނދާއި، ހާއްސަ އެހީއަށް ބޭނުންވާ މީހުން ދުއްވުމަށް ހާއްސަ ކުރެވިފައިވާ އުޅަނދުތަކާއި، ޕަބްލިކް ޓްރާންސްޕޯޓުގެ ގޮތުގައި ދެމުން ގެންދާ ބަހުގެ ހިދުމަތުގެ އިތުރުން އެ ގަޑިތަކުގައި ދުއްވުމުގެ ހުއްދަ ދެވޭ އުޅަނދުތައް ކަމަށެވެ.

ބައިނަލް އަގްވާމީ ރަހްމަތްތެރިކަމުގެ ދުވަސް ފާހަގަކުރުމަށް، ހޯމް މިނިސްޓްރީން ބާއްވާ އަތުގުޅާލުމުގެ ހަރަކާތުގައި ވިހާވެސް ގިނަ ބަޔަކު ބައިވެރިވުމަށް މިނިސްޓްރީން ވަނީ އެދިފައެވެ.ހަރަކާތުގައި ބައިވެރިވާން އަންނަ ފަރާތްތަކުން ، ގައުމީ ކުލައެއްގެ ހެދުމުގައި އައުމަށް މިނިސްޓްރީން ވަނީ އެދިފައެވެ. މިނިސްޓްރީން ބުނީ އަތުގުޅާލުން ކުރިއަށްދާ ވަގުތު ގައުމީ ދިދަ، ހުރިހާ ފަރާތްތަކަށް ފޯރުކޮށްދޭނެ ކަމަށެވެ.މި ހަރަކާތުގައި ރާއްޖޭގައި ދިރިއުޅެމުން އަންނަ އެކި ގައުމުތަކުގެ މީހުން ވެސް ބައިވެރިވާނެއެވެ. ކަމަށް ހޯމް

ބައިނަލް އަގްވާމީ ރަހްމަތްތެރިކަމުގެ ދުވަސް ރާއްޖޭގައި ފާހަގަކުރާ، މިއީ ފުރަތަމަ ފަހަރުއެވެ.