ހިތަދޫ އާއި ކުޅުދުއްފުށީ ހޮސްޕިޓަލަށް ޑިރެކްޓަރުން ހޯދަން އިއުލާން ކޮށްފި
މަގާމްތަކަށް އެދި ހުށަހަޅަންޖެހޭ ތަކެތި ހުށަހަޅުމުގެ ސުންގަޑިއަކީ 28 ޖުލައި 2019 ވަނަ ދުވަހުގެ 13:30
ހިތަދޫ ރީޖަނަލް ހޮސްޕިޓަލް
ސިއްހީ ނިޒާމް އިތުރަށް ހަރުދަނާކޮށް ފުޅާ ކުރުމުގެ ގޮތުން ސ. ހިތަދޫ އަދި ހދ. ކުޅުދުއްފުށި ރީޖަނަލް ހޮސްޕިޓަލަށް ޑިރެކްޓަރުންގެ މަގާމުތަކަށް މީހުން ހޯދަން އިއުލާންކޮށްފިއެވެ.
ހިތަދޫ ހޮސްޕިޓަލް އިން ހުޅުވާލާފައިވާ މަގާމު ތަކަކީ ކޯޕަރޭޓް ސަރވިސަސްގެ ޑެޕިއުޓީ ޑިރެކްޓަރ ޖެނެރަލްގެ މަގާމު، ފެސިލިޓޭޓިވް ސަރވިސަސްގެ އެސިސްޓެން ޑިރެކްޓަރގެ މަގާމު، ޕްރޮކިއުމަންޓް، އިންފޮމޭޝަން ޓެކްނޮލޮޖީ، ހިއުމަން ރިސޯސް އަދި ބަޖެޓް އެންޑް ފައިނޭންސްގެ ޑިރެކްޓަރގެ މަގާމުގެ އިތުރުން ހޮސްޕިޓަލްގެ ޑިރެކްޓަރ ޖެނެރަލްގެ މަގާމެވެ.
ކުޅުދުއްފުށީ ހޮސްޕިޓަލުން ހުޅުވާލާފައިވާ މަގާމު ތަކަކީ ކޯޕަރޭޓް ސަރވިސަސްގެ ޑެޕިއުޓީ ޑިރެކްޓަރ ޖެނެރަލްގެ މަގާމު، ފެސިލިޓޭޓިވް ސަރވިސް ގެ އެސިސްޓެން ޑިރެކްޓަރ ގެ މަގާމު އަދި އެޑްމިނިސްޓްރޭޝަންގެ ޑިރެކްޓަރގެ މަގާމެވެ.
މަގާމުތަކަށް އެދި ހުށަހަޅަންޖެހޭ ތަކެތި ހުށަހަޅާނީ 28 ޖުލައި 2019 ވަނަ ދުވަހުގެ 13:30 ގެ ކުރިން، މިނިސްޓްރީ އޮފް ހެލްތުގެ ކައުންޓަރަށް ނުވަތަ މަސައްކަތް ކުރުމަށް ބޭނުންވާ ހޮސްޕިޓަލަކަށެވެ.
މިއީ އަތޮޅު ތެރޭގައި ދެވޭ ސިއްހީ ފަރުވާ އަކީ އެކަށީގެންވާ ރަނގަޅު ފަރުވާކަން ޔަގީންކުރުމަށްޓަކައި ރީޖަނަލް ހޮސްޕިޓަލް ތަކަކީ ފެންވަރު ރަނގަޅު ހޮސްޕިޓަލް ތަކަކަށް ހެދުމަށްޓަކައި ކުރާ މަސައްކަތުގެ ތެރެއިން ހުޅުވާލި ފުރުސަތެއް ކަމަށް ހެލްތް މިނިސްޓްރީއިން ބުނެއެވެ.
