ރައްޔިތުންގެ މަޖިލީހުގެ ރައީސް ޔޫކޭގެ ޕޮލިސް ސަރވިސް އޮފް ނޮދާރން އަޔަރލެންޑްގެ ކުރީގެ ޗީފް ކޮންސްޓަބަލް އާ ބައްދަލުކުރައްވާފި
17 ޖުލައި 2019 | ބުދަ 12:40ރާއްޖެ ވަޑައިގެން އުޅުއްވަނީ ފުލުހުންގެ މަސައްކަތް މިހާރަށްވުރެ ހަރުދަނާކޮށް ތަރައްގީކުރުމަށް ފަންނީ ލަފާދެއްވުމަށް
ރައްޔިތުންގެ މަޖިލީހުގައި ބުދަ ދުވަހު ބޭއްވި ބައްދަލުކުރެއްވުމުގެ ތެރެއިން
ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު، ޔުނައިޓެޑް ކިންގްޑަމްގެ ޕޮލިސް ސަރވިސް އޮފް ނޮދާރން އަޔަރލެންޑްގެ ކުރީގެ ޗީފް ކޮންސްޓަބަލް، ސަރ ހިއު ސްޓެފަން ރޮޑެން އޯރޑްއާ ބައްދަލުކުރައްވައިފިއެވެ.
ފުލުހުންގެ މަސައްކަތް މިހާރަށްވުރެ ހަރުދަނާކޮށް ތަރައްގީކުރުމަށް ފަންނީ ލަފާދެއްވުމަށް މޯލްޑިވްސް ޕޮލިސް ސަރވިސްގެ ދައުވަތަކަށް ރާއްޖެވަޑައިގެން އުޅުންވާ ސަރ ހިއު އޯރޑް އާއި ރައީސް ނަޝީދު ބައްދަލުކުރައްވާފައިވަނީ ބުދަ ދުވަހު ހެދުނު ރައްޔިތުންގެ މަޖިލީހުގެ އިދާރާގައެވެ.
ސަރ ހިއު ސްޓެފަން ރޮޑެން އޯރޑްއާގެ މި ދަތުރުފުޅުގައި ދިވެހި ފުލުހުންގެ މަސައްކަތްތައް މިހާރަށްވުރެ ހަރުދަނާ ކުރެވޭނެ ގޮތްތަކާމެދު އިނގިރޭސިވިލާތުގެ ތަންފީޒީ އިދާރާތަކާއި އެކު ކުރެވެންހުރި މަސައްކަތްތަކާ ގުޅޭގޮތުން މަޝްވަރާކުރެއްވުމަށް ހަމަޖެހިފައިވެއެވެ. އަދި މިދަތުރުފުޅުގާ ސަރ ހިއު އޯރޑް ދިވެހިރާއްޖޭގެ މުހިއްމު ވުޒާރާތަކާ މިނިވަން މުއައްސަސާތަކުގެ އިސް ވެރިންނާވެސް ބައްދަލުކުރައްވާނެއެވެ.
