ނޫސްވެރިކަމުގެ ރަން ގަލަން އަހުމަދު ޒާހިރު (ފެއަރީ) އާއި ހަވާލުކޮށްދެއްވައިފި
14 ޖުލައި 2019 | އާދީއްތަ 10:25ޒާހިރުއަށް މި އެވޯޑް ފަހުން ހަވާލުކޮށްދެއްވީ މިދިޔަ އަހަރު ބޭއްވި ހަފްލާގައި ޒާހިރުއަށް ބައިވެރިނުވެވުމުގެ ސަބަބުން
ރަން ގަލަން އަހުމަދު ޒާހިރު (ފެއަރީ) އާއި ހަވާލުކޮށްދެއްވީ ހޯމް މިނިސްޓަރު އިމްރާން އަބްދުﷲ
ދިވެހި ނޫސްވެރިކަމަށް 75 ފުރުމުގެ މުނާސަބަތާ ގުޅިގެން މޯލްޑިވްސް މީޑިއާ ކައުންސިލުގެ ފަރާތުން ދިން ނޫސްވެރިކަމުގެ ރަންގަލަން އަހުމަދު ޒާހިރު (ފެއަރީ) ހަވާލުކޮށްދެއްވައިފިއެވެ.
އާދިއްތަ ދުވަހު ޒާހިރު އާއި މި ގަލަން ހަވާލުކޮށްދެއްވީ، ރަސްމިއްޔާތުގައި ވެސް ނޫސްވެރިކަމުގެ ރަން ގަލަން ހާސިލްކުރެއްވި ފަރާތްތަކަށް އެވޯޑް ހަވާލުކޮށްދެއްވި، ހޯމް މިނިސްޓަރު އިމްރާން އަބްދުﷲ އެވެ.
ޒާހިރުއަށް މި އެވޯޑް ފަހުން ހަވާލުކޮށްދެއްވީ މިދިޔަ އަހަރު މީޑިޔާ ކައުންސިލުން ބޭއްވި ހަފްލާގައި ޒާހިރުއަށް ބައިވެރިނުވެވުމުގެ ސަބަބުންނެވެ.
މިދިޔަ އަހަރު ބޭއްވި ދިވެހި ނޫސްވެރިކަމަށް 75 ފުރުމުގެ މުނާސަބަތާ ގުޅިގެން މޯލްޑިވްސް މީޑިއާ ކައުންސިލުން ދޭ އަލިމަސް ގަލަން އަށް ބޭފުޅަކަށް ވަނީ ދީފައެވެ. އަދި ނޫސްވެރިކަމުގެ ރަން ގަލަން ނުވަ ފަރާތަކަށް ވަނީ ދީފައެވެ.
