ނައިބު ރައީސް ފައިސަލް ހުޅުމީދޫ ހެލްތް ސެންޓަރަށް ޒިޔާރަތްކުރައްވާފި
13 ޖުލައި 2019 | ހޮނިހިރު 13:16ހެލްތް ސެނަޓަރުގެ މުވައްޒަފުންނާއި ބައްދަލުކުރެއްވި
ނައިބު ރައީސް ފައިސަލް ނަސީމް އައްޑޫސިޓީ އަށާއި ފުވައްމުލަކު ސިޓީއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން
ރައީސުލްޖުމްހޫރިއްޔާގެ ނައިބު ފައިސަލް ނަސީމް އައްޑޫސިޓީ ހުޅުމީދޫގެ ހެލްތް ސެންޓަރަށް ޒިޔާރަތްކުރައްވާފިއެވެ.
ނައިބު ރައީސް ފައިސަލް އައްޑޫސިޓީ އަށާއި ފުވައްމުލަކު ސިޓީއަށް މިހާރު ކުރައްވަމުން ގެންދަވާ ދަތުރުފުޅުގައި ހުޅުމީދޫ ހެލްތް ސެންޓަރަށް ޒިޔާރާތްކުރައްވާ އެތަނުގެ މުވައްޒަފުންނާއި ބައްދަލުކުރައްވައި ތަނުގެ ހާލަތު ބައްލަވާލެއްވިއެވެ.
ހެލްތް މިނިސްޓަރ އަބަދުއްﷲ އަމީން ވަނީ ނައިބު ރައީސް ފައިސަލްގެ އަރިހުގާ ހެލްތް ސެންޓަރަށް ޒިޔާރާތްކުރައްވާފައެވެ.
މި ދަތުރުފުޅުގައި އެ މަނިކުފާނުވަނީ ހުޅުމީދޫގެ މަގު ހަދަމުންދާ ސަރަހައްދަށް ޒިޔާރަތްކުރައްވައި އެ މަޝްރޫގެ މަސައްކަތް ކުރިޔަށްދާގޮތް ބައްލަވައިލައްވާފައިވެއެވެ.
ރައީސުލްޖުމްހޫރިއްޔާގެ ނައިބު ހުޅުމީދޫއަށް ޒިޔާރަތްކުރެއްވުމުން އެރަށުން އެމަނިކުފާނަށް ވަނީ ހޫނު މަރުހަބާއެއް ދަންނަވާފައެވެ.
