އީޔޫއިން އަޅާފައިވާ ދަތިކުރުމުގެ ފިޔަވަޅުތަކާއި ޚިލާފަށް ސީރިޔާއަށް ތެޔޮ ހިފައިގެން ދާކަމަށް ތުހުމަތުކުރެވިގެން ޖިބްރޯލްޓާގެ ސަރުކާރުގެ އެދުމަކަށް ރޯޔަލް ނޭވީގެ ސިފައިން ތެޔޮބޯޓެއް ހިފަހައްޓައިފިއެވެ.
އިދާރާތަކުން ބުނެފައިވަނީ ގްރޭސް 1 ނަމަކަށް ކިޔާ ބޯޓުން ސީރިޔާގެ ބާނިޔާސް ރިފައިނަރީއަށް އުފުލަމުން ދިޔައީ އީރާނުގެ ސާފުނުކުރާ ތެޔޮކަން ގަބޫލުކުރެވޭ ސަބަބުތަކެއް އެބަހުރި ކަމަށެވެ.
ސަރުކާރުގެ ޗީފް މިނިސްޓަރ ވިދާޅުވީ ތެޔޮސާފުކުރުމުގެ މަސައްކަތަކީ ސީރިޔާއަށް ޔޫރަޕިއަން ޔޫނިއަންއިން އަޅާފައިވާ ދަތިކުރުމުގެ ފިޔަވަޅުތަކުގެ ތެރޭގައި ހިމެނޭ ކަމެއް ކަމަށެވެ.
ފަބިއަން ޕިކާޑޯވަނީ ބޯޓް ހިފެހެއްޓި ސިފައިންނަށް ތައުރީފް ކުރައްވާފައެވެ.
" ޔަގީން ކުރައްވާ ޖިބްރޯލްޓާ އޮތީ ސަލާމަތުން ބައިނަލްއަގްވާމީ ގާނޫނުތަކާއި އަމުރުތަކަށް ތަބާވެ"ޖިބްރޯލްޓާގެ ޗީފް މިނިސްޓަރ ވިދާޅުވިއެވެ.
ޖިބްރޯލްޓަރ ބަނދަރާއި ގާނޫނު ތަންފީޒުކުރާ އިދާރާތަކުން ތެޔޮޓޭންކަރާއި އޭގައިވާ ކާގޯ ހިފަހައްޓާފައިވަނީ ބުރާސްފަތި ދުވަހުއެވެ.
ބީބީސީން ބުނެފައިވާގޮތުގައި ކަނޑުގެ ސިފައިންގެ 30 މީހުންނާއި 42 ކޮމާންޑޯއިން ބޯޓް ހިފެހެއްޓުމަށްޓަކައި ޖބްރޯލްޓާގެ ސަރުކާރުގެ އެދުމަކަށް އިނގިރޭސިވިލާތުން ޖިބްރޯލްޓާއަށް ވައިގެ މަގުން ދަތުރު ކޮށްފައިވެއެވެ.
