މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) ގެ އަސްކަރީ ތަމްރީން "އެކްސަސައިޒް ރަންނަމާރި ހަންޓް-2019" އަންނަ ހަފްތާގައި ފަށާނެ ކަމަށް ޑިފެންސް މިނިސްޓްރީ އިން ބުނެފިއެވެ.

ތަމްރީންތައް ހިންގުމަށް ހަމަޖެހިފައިވަނީ ޖޫން މަހުގެ 23 އިން 27 އަށް، ކަމަށް ޑިފެންސް މިނިސްޓްރީ އިން ބުރާސްފަތި ދުވަހު ކުރި އިއުލާނެއްގައި ބުނެފައި ވެއެވެ.

ޑިފެންސް މިނިސްޓްރީން ބުނީ, ތަމްރީނުގައި ހަރަކާތްތެރި ވާއިރު، ސިމިއުލޭޝަންގެ ގޮތުގައި ސިފައިން ބޭނުންކުރާ ހަތިޔާރާއި ގޮވާތަކެތި އެއްގަމާއި ކަނޑުގައި ބޭނުންކުރުމަށް ހަމަޖެހިފައި ކަމަށާއި މާލެ އާއި ހުޅުމާލޭގައި އާރމަޑް ވެހިކަލް، ބޭނުންކުރާނެ ކަމަށެވެ.

މި ތަމްރީން ކުރިއަށް ގެންދިއުމަށް ހަމަޖެހިފައިވަނީ މާލޭ އޭރިއާއިން މާލެ، ވިލިމާލެ، ހުޅުލެ، ހުޅުމާލެ އަދި، ކ. ތިލަފުށި ސަރަޙައްދުގައެވެ. އަދި ނޮދަން އޭރިއާއިން ޅ. އަދި ރ. އަތޮޅުގައެވެ.

ފާއިތުވި ދެމަހު ސިފައިންނާއި ފުލުހުން ގުޅިގެން ވަނީ ހާއްސަ ތަމްރީނުތަކެއް ކުރިއަށް ގެންގޮސްފައެވެ. އޭގެ ކުރިން އިންޑިއާ ސިފައިންނާއި ދިވެހި ސިފައިން ގުޅިގެން ތަމްރީނުތަކެއް މިއަހަރު ކުރިއަށް ގެންގޮސްފައި ވެއެވެ.