އެމްޑީޕީގެ ހަރަކާތްތަކުގެ ކުރީސަފުގައި ހަރާކާތްތެރިވަމުންދިޔަ، އާދަމް މޫސާ (ކޮމާންޑަރު) ނިޔާވެއްޖެއެވެ.

އާންމުންގެ ތެރޭގައި އެމްޑީޕީގެ ކޮމާޑަރގެ ނަމުން މަޝްހޫރުވެފައިވާ މ. އިރާކުމާގެ އާދަމް މޫސާ ނިޔާވެފައިވަނީ އިންޑިޔާގެ ޖީޖީ ހޮސްޕިޓަލުގައި ފަރުވާ ހޯދަމުން ދަނިކޮށް ބުދަދުވަހުގެ ފަތިހު 4:30 ހާއިރުއެވެ.

މީގެ ހަތްވަރަކަށް މަސް ކުރިން ވެސް ކޮމާންޑަރު ވަނީ ބަލިވެގެން އައިޖީއެމްއެޗްގައި އެޑްމިޓްކޮށްފައެވެ. އެ ފަހަރު ވެސް އޭނާ ނިޔާވިކަމުގެ ސޯޝަލް މީޑިއާގައި ޚަބަރުތައް ފެތުރިފައި ވެއެވެ.

އާދަމް ނިޔާވިއިރު އަނތްބަކާއި ދެ ފިރިހެން ކުދިންގެ އިތުރުން އެއް އަންހެން ދަރިއަކު ދުނިޔޭގެ އެބަހުއްޓެވެ. ނިޔާވި އިރު އުމުރަކީ 70 އަހަރެވެ.

ކޮމާންޑަރު ނިޔާވުމާ ގުޅިގެން ގިނަ ބަޔަކު ދަނީ މީސްމީޑިޔާގައި ތައުޒިޔާގެ މެސެޖްތަށް ފޮނުވަމުންނެވެ.