ފަނޑިޔާރު އަބްދުﷲ ދީދީ ޖޭއެސްސީއަށް ހާޒިރުވެއްޖެ
17 ޖޫން 2019 | ހޯމަ 19:18ފަނޑިޔާރު ދީދީ ހާޒިރުކޮށްފައިވަނީ މިރޭ 11:30 އަށް
ސުޕްރީމް ކޯޓުގެ ފަނޑިޔާރު އަބްދުﷲ ދީދީ ޖޭއެސްސީއަށް ހާޒިރުވެވަޑައިގަންނަވަނީ
ސަސްޕެންޑްކޮށްފައިވާ ސުޕްރީމް ކޯޓުގެ ފަނޑިޔާރު އަބްދުﷲ ދީދީ, ޖުޑީޝަލް ސާވިސް ކޮމިޝަން (ޖޭއެސްސީ) އަށް ހާޒިރުވެއްޖެ އެވެ.
ޖޭއެސްސީއަށް ފަނޑިޔާރު އަބްދުﷲ ދީދީ ހާޒިރުވެވަޑައިގެންފައިވަނީ މިރޭ 11:30 އަށެވެ. ފަނޑިޔާރު ހާޒިރުވެވަޑައިގެންނެވީ 3 ވަކީލަކާއެކުގަ އެވެ.
ފަނޑިޔާރު ހާޒިރުކުރެވިފައިވަނީ، އޭނާއާއި ގުޅޭ މައްސަލަތަކެއް ތަހުޤީޤްކުރަމުންގެންދާތީވެ ބަޔާން ނެގުމަށެވެ. ބަޔާން ނަގަނީ މައްސަލަ ބެލުމަށް އެކުލަވާލި 7 މެމްބަރުންގެ ކޮމެޓީންނެވެ.
ފަނޑިޔާރު އަބްދުﷲ ދީދީގެ ދެ މައްސަލައެއް ޖޭއެސްސީން އަންނަނީ ބަލަމުންނެވެ.
ޖޭއެސްސީން މިމަހުގެ 12 ވަނަ ދުވަހު ފަނޑިޔާރު އަބްދުﷲ ދީދީ ސަސްޕެންޑްކުރުމަށް ނިންމީ އޭނާއި ގުޅޭ ހިޔާނާތުގެ މައްސަލަތަކެއް ބަލަމުން އަންނާތީވެ އެވެ. އެއީ އެއް މިލިއަން ޑޮލަރުގެ މައްސަލައެއްކަން ވަނީ އެނގިފަ އެވެ.
