ބްރޭޑްލީ ކޫޕަރ އާއި އައިރީނާ ޝޭކް ވަކިވެއްޖެ
10 ޖޫން 2019 | ހޯމަ 19:31ދެ އަހަރުގެ އަންހެން ކުއްޖެއް ހުންނަ މި ދެ މީހުން ވަކިވި ހަބަރުތައް ފެތުރެން ފެށީ މިދިޔަ ހަފްތާގައި
ބްރޭޑްލީ ކޫޕަރ އާއި އައިރީނާ ޝޭކް
ހޮލީވުޑްގެ މަޝްހޫރު ފިލްމީތަރި ބްރޭޑްލީ ކޫޕަރ އޭނާގެ ލޯބިވެރިޔާ، ސުޕަރމޮޑެލް އައިރީނާ ޝޭކް ވަކިވެއްޖެއެވެ.
ދެ އަހަރުގެ އަންހެން ކުއްޖެއް ހުންނަ މި ދެ މީހުން ވަކިވި ހަބަރުތައް ފެތުރެން ފެށީ މިދިޔަ ހަފްތާގައެވެ.
ބްރޭޑްލީގެ އެންމެ ފަހުގެ ފިލްމް، "އަ ސްޓާ އިޒް ބޯން"ގައި، އޭނާއާއި ކޯ-ސްޓާ ލޭޑީ ގާގާ މާ ގާތްވެފައިވާކަމަށް އޭރު ރިޕޯޓް ކުރެވުނެވެ. އަދި ފިލްމްގެ ޕްރޮމޯޝަންގައި އެ ދެމީހުން އުޅުނު ގޮތުން އެ ވާހަކަތައް އިތުރުވިއެވެ. އަދި ވަކި ހިސާބަކުން، ލޭޑީ ގާގާ ކައިވެނި ކުރަން އެންގޭޖް ވެފައިވާއިރު، ދުވަސް ކޮޅެއް ފަހުން އެކަމެއް ނިމުމެއް އައެވެ.
ނަމަވެސް، ގާގާ އަދި ބްރޭޑްލީވެސް މި ކަންތައް ދޮގު ކުރިއެވެ. އަދި އެ ވާހަކަތަކުގެ އަސްލެއްވާކަމަށް އައިރީނާ ވެސް ގަބޫލު ނުކުރާކަމަށް ރިޕޯޓް ކުރެވިފައިވާއިރު، ނިމިގެން ދިޔަ އެވޯޑް ސީޒަންގައި "އަ ސްޓާ އިޒް ބޯން"އަށް ގިނަ ނޮމިނޭޝަން ލިބިފައިވާއިރު، އެ ހަފްލާތަކުގައި ބްރޭޑްލީއާ އެކު އައިރީނާ ވަނީ ބައިވެރިވަފައެވެ.
މިހާރު ރިޕޯޓްތައް ބުނާ ގޮތުން، މި ގުޅުން ނިމުމަކަށް ގެނައީ އައިރީނާ އެވެ.
ދެ މީހުންގެ ރިލޭޝަންޝިޕްގައި މައްސަލަތައް އުޅޭތާ އެތައް ދުވަހެއް ވެފައިވާކަމަށާއި، ނަމަވެސް ދަރިފުޅަށްޓަކާ ވަކި ނުވެ އެކުގައި އުޅެން މަސައްކަތްކޮށްފައިވާކަމަށް ރިޕޯޓްތައް ބުނެއެވެ.
ނަމަވެސް، މިކަމާ ގުޅޭ ގޮތުން ބްރޭޑްލީ ނުވަތަ އައިރީނާ އެއްޗެއް ބުނެފައެއް ނުވެއެވެ.
ނަމަވެސް، ދެ އަހަރުގެ ކުއްޖެއް ހުންނަކަން ދަނެ، ދެ މީހުންވެސް ބޭނުންވަނީ އެއްވެސް މައްސަލައެއް ނުޖެހި ކަންތައް ނިންމަންކަމަށް ރިޕޯޓްތައް ބުނެއެވެ.
