ޕީޕީއެމަށްވެސް ފައިސާ ދޫކުރުމަށް ހުށަހެޅިން، އެއްވެސް ޕާޓީއެއްގެ ފައިސާ ހިފަހައްޓާފައެއް ނުވާނެ: އިލެކްޝަންސް
10 ޖޫން 2019 | ހޯމަ 02:30ފިނޭންސް މިިނިސްޓްރީން ވަނީ އާދިއްތަ ދުވަހު 3 ސިޔާސީ ޕާޓީއަކަށް ފައިސާ ޖަމާކޮށްދީފަ
ޕީޕީއެމްގެ ކޮޮންގްރެސްގެ ތެރެއިން
ދައުލަތުގެ ބަޖެޓުން ފައިސާ ލިބޭ ހަތަރު ޕާޓީއަށްވެސް ފައިސާ ދިނުމަށް ހުށަހަޅާފައިވާނެ ކަމަށާއި، އިލެކްޝަންސް ކޮމިޝަނުން އެއްވެސް ޕާޓީއެއްގެ ފައިސާ ހިފަހައްޓާފައިނުވާނެ ކަމަށް އެ ކޮމިޝަންގެ ރައީސް އަހުމަދު ޝަރީފް ވިދާޅުވެއްޖެ އެވެ.
އިލެކްޝަންސް ކޮމިޝަނުން އެދުނު ގޮތަށް ތިން ޕާޓީއަކަށް ފައިސާ ދޫކޮށްފައިވާނެކަމަށާއި، ޕީޕީއެމަށް ފައިސާ ދޫނުކުރީ އިލެކްޝަންސް ކޮޮމިޝަނުން ހުށަހަޅާފައިނުވާތީ ކަމަށް ފިނޭންސް މިނިސްޓްރީގެ އޮފިޝަލަކާއި ހަވާލާދީ މީޑިއާގައި ފެތުރޭ ހަބަރާއި ގުޅޭ ގޮތުން އެ ކޮމިޝަންގެ ރައީސް ކުރެއްވި ޓުވީޓެއްގައި ވިދާޅުވީ ޕީޕީއެމަށް ފައިސާ ދޫކުރުމަށް ވަނީ ފޮނުވާފައިކަމަށެވެ. އަދި އިލެކްޝަންސް ކޮމިޝަނުން އެއްވެސް ސިޔާސީ ޕާޓީއެއްގެ ފައިސާ ހިފަހައްޓާފައިނުވާނެކަމަށް ޝަރީފް ވިދާޅުވި އެވެ.
ފިނޭންސް މިިނިސްޓްރީން ވަނީ އާދިއްތަ ދުވަހު ފައިސާ ދޫކޮށްފައިވަނީ އެމްޑީޕީ އަށާއި، ޖުމްހޫރީ ޕާޓީ އަދި އެމްޑީއޭއަށެވެ. އެ ޕާޓީތަކުގެ ތެރެއިން އެންމެ ގިނަ ފައިސާ ދޫކޮށްފައިވަނީ އެމްޑީޕީއަށެވެ. އެ ޕާޓީއަށް 12 މިލިއަނަށްވުރެ ގިނަ ރުފިޔާ ދޫކޮށްފައިވާއިރު، އެމްޑީއޭ އަދި ޖުމްހޫރީ ޕާޓީއަށް ދޫކޮށްފައިވަނީ 2 މިލިއަނަށްވުރެ ގިނަ ރުފިޔާ އެވެ.
ހަތަރު ސިޔާސީ ޕާޓީއަށް ދައުލަތުގެ ބަޖެޓުން 26.2 މިލިއަން ރުފިޔާ ދިނުމަށް ވަނީ ކަނޑައަޅާފަ އެވެ. އޭގެތެރެއިން ފައިސާ ދޫނުކުރަނީ ޕީޕީއެމަށެވެ. ޕީޕީއެމަށް ދައުލަތުގެ ބަޖެޓުން 9 މިލިއަނަށްވުރެ ގިނަ ރުފިޔާ ލިބެއެވެ.
