ދަ ރެސިޑެންސް މޯލްޑިވްސް އެޓް ދިގުރަށް ރިސޯޓު މި މަހުގެ އެއްވަނަ ދުވަހު ހުޅުވައިފިއެވެ.

މި ރިސޯޓު ހުޅުވާފައި ވަނީ ސެނިޒާރޯ ހޮޓެލްސް އެންޑް ރިސޯޓްސް އިންނެވެ. މިއީ އެ ކުންފުނިން ރާއްޖޭގައި ހުޅުވި ދެ ވަނަ ރިސޯޓެވެ. ސެނިޒާރޯ އިން ހުޅުވި އެންމެ ފުރަތަމަ ރިސޯޓަކީ ފަޅުމާފުއްޓެވެ. ދިގުރަށާއި ފަޅުމާފުށި ވަނީ ފާލަމަކުން ގުޅާލާފައެވެ.

ދަ ރެސިޑެންސް މޯލްޑިވްސް އެޓް ދިގުރަށް ރިސޯޓުގައި 173 ވިލާ ހުންނަ އިރު ކޮންމެ ވިލާއެއްގައި ޕޫލެއް ހިމެނެއެވެ.

މި ރިސޯޓުގައި 42 މީޓަރުގެ އިންފިނިޓީ ޕޫލާއި، ޑައިވް އަދި ވޯޓަރ ސްޕޯޓްސް ސެންޓަރާއި، ރިސޯޓުގެ ކޮންމެ ރޫމަކަށް ދެ ބައިސްކަލް ކަނޑައަޅާފައި ވެއެވެ.

އަލަށް ހުޅުވި މި ރިސޯޓުގައި އޯޕަނިން އޮފަރގެ ގޮތުގައި ހާއްސަ ޑިސްކައުންޓްތަކެއް ދިނުމަށް ވަނީ ނިންމާފައެވެ. އެގޮތުން އެ އޮފަރގެ ދަށުން 40 ޕަސެންޓާ ހަމައަށް ޑިސްކައުންޓް ލިބިގެންދާނެއެވެ.

ސެނިޒާރޯއަކީ ލަގްޒަރީ ރިސޯޓުތައް ދުނިޔޭގެ އެކި ހިސާބުތަކުގައި ހިންގާ ކުންފުންޏަކަށް ވާއިރު މޮރީޝަސް އާއި ޓިއުނީޝިއާ ފަދަ ޤައުމުތަކުގައި އެ ކުންފުނިން ރިސޯޓު ހިންގަމުންދެއެވެ.

ހުވަދޫ އަތޮޅުގައި މިހާތަނަށް ތަރައްޤީކޮށްފައިވާ އެންމެ ބޮޑު ރިސޯޓުގެ ގޮތުގައި ދިގުރަށް ރިސޯޓު ފާހަގަކުރެވެއެވެ.