ދެ ސައިކަލު ޖެހި ހިނގި އެކްސިޑެންޓްގައި މީހަކަށް ބޮޑެތި އަނިޔާ ތަކެއް ލިބިއްޖެ
29 މެއި 2019 | ބުދަ 18:48ފައިގެ ކަށިމައްޗަށް އަނެއް ސައިކަލުގެ ބައެއް ވަދެފައިވޭ
އެކްސިޑެންޓްވި ސައިކަލު
ސެނަހިޔާ ކައިރިން ދެ ސައިކަލު ޖެހި ހިނގި އެކްސިޑެންޓްގައި މީހަކަށް ބޮޑެތި އަނިޔާ ތަކެއް ލިބިއްޖެއެެވެ.
ރާއްޖެޓީވީއާއި ވާހަކަ ދައްކަވަމުން ފުލުހުންގެ މީޑިއާ އޮފިޝަލް ވިދާޅުވީ ބުދަ ދުވަހުގެ ހަވީރު ހިނގި މި އެކްސިޑެންޓް ހިނގަން މެދުވެރިވީ ސެނަހިޔާ ކައިރިން ސައިކަލު އަނބުރާލި ވަގުތު ކުރިމަތިން އައި ސައިކަލު ކޮންޓްރޯލް ނުވެ ގޮސް އަނބުރާލި ސައިކަލުގައި ޖެހިގެން ކަމަށެވެ.
މިހާދިސާގައި އަބުރާލި ސައިކަލުގައި އިން ފިރހެން މީހާގެ ފައިގެ ކަށިމައްޗަށް އަނެއް ސައިކަލުގެ ބުރަކީގެ ބައެއް ވަދެ ފުންކޮށް ކަނޑައިގެން ގޮސްފައިވާ ކަމަށް ފުލުހުން ބުނެއެވެ.
އަދި އަނެއް ސައިކަލު ދުއްވަން އިނީ އަންހެނެއްކަމަށާއި އޭނާއަށް އަނިޔާއެއް ލިބިފައިވާ ކަމުގެ މައުލޫމާތު ލިބިފައި ނުވާކަމަށް ވެސް ފުލުހުން ބުނެއެވެ.
އަނިޔާ ލިބިފައިވާ މީހާ ހޮސްޕިޓަލަށް ގެން ގޮސް ފަރުވާ ދިފައިވާ ކަމަށް ވެސް ފުލުހުން ބުނެއެވެ.
ރަމަޟާންމަހު އެކްސިޑެންޓު ހިނގުން އާންމުވެފައިވާއިރު، މި މަހުގެ ތެރޭގައި އެކަނި ވެސް ހިނގި އެކްސިޑެންޓުތަކުގެ އަދަދު ވަނީ 61 އަށް އަރާފައެވެ.
