މަޖިލީހުގެ ރައީސް ކަމަށް ނަޝީދާއި ގާސިމްގެ ނަންފުޅު ހުށަހަޅުއްވައިފި
ނަޝީދުގެ ނަންފުޅު ހުށަހެޅުއްވީ އަސްލަމް
ނަޝީދާއި ގާސިމް
ރައްޔިތުންގެ މަޖިލީހުގެ ރައީސް ކަމުގެ މަގާމަށް މައްޗަންގޮޅިމެދު ދާއިރާގެ މެމްބަރު ރައީސް މުހައްމަދު ނަޝީދާއި މާމިގިލީ ދާއިރާގެ މެމްބަރު ގާސިމް އިބްރާހިމްގެ ނަންފުޅު ހުށަހަޅުއްވައިފިއެވެ.
މަޖިލީހުގެ ރައީސް ކަމަށް ނަޝީދުގެ ނަންފުޅު ހުށަހެޅުއްވީ ހިތަދޫ އުތުރު ދާއިރާގެ މެމްބަރު މުހައްމަދު އަސްލަމްއެވެ. ތާއީދު ކުރެއްވީ މެދު ހެންވޭރު ދާއިރާގެ މެމްބަރު އަލީ އާޒިމްއެވެ.
މީދޫ ދާއިރާގެ މެމްބަރު އަހުމަދު ސިޔާމް މުހައްމަދު ރިޔާސަތު ބެލެހެއްޓެވި ޖަލްސާގައި މަޖިލީހުގެ ނައިބު ރައީސް ކަމަށް ފުރުސަތު ހުޅުވާ ލެއްވުމުން އެ މަގާމަށް ހުށަހެޅުއްވީ ގަލޮޅު އުތުރު ދާއިރާގެ މެމްބަރު އީވާ އަބުދުﷲ ގެ ނަމެވެ. އީވާގެ ނަން ހުށަހެޅުއްވީ ވެސް ހިތަދޫ އުތުރު ދާއިރާގެ މެމްބަރު މުހައްމަދު އަސްލަމެވެ. ތާއީދު ކުރެއްވީ މެދު ހެންވޭރު ދާއިރާގެ މެމްބަރު އަލީ އާޒިމްއެވެ.
