އަސްލަމް މަޖިލީހުގެ ރައީސް ކަމަށް ވާދަ ނުކުރައްވާނެ ކަމަށް ބުނެ، ފޭކް މެސެޖުތަކެއް!
އަފީފަށް ތާއިދު ކުރި ކަމަށް ބުނެ، ފަތުރަކީ ދޮގެއް: އަސްލަމް
ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް
ރައްޔިތުންގެ މަޖިލީހުގެ ރައީސް ކަމަށް ވާދަ ނުކުރައްވާނެ ކަމަށް ބުނެ، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމްގެ ފޯން ނަމްބަރުން ފޭކް މެސެޖުތަކެއް ބައެއް ނޫސްވެރިންނަށް ފޮނުވައިފިއެވެ.
އަސްލަމްގެ ބޭނުންކުރައްވާ ފޯން ނަމްބަރުން ރާއްޖެޓީވީގެ ބައެއް ނޫސްވެރިންނަށް ވެސް އެ މެސެޖުތަކެއް ކޮށްފައިވެއެވެ. އެ މެސެޖުތަކުގައި ބުނެފައި ވަނީ ކުރީގެ ރައީސް މުހައްމަދު ނަޝީދުގެ އެދިވަޑައިގަތުމަށް އާ މަޖިލީހުގެ ރައީސް ކަމަށް ކުރިމަތިނުލާން ނިންމާފައިވާ ކަމަށެވެ. އަދި ރައީސް ނަޝީދުގެ އެދުމުގެ މަތިން، އޭނާ ތާއިދު ކުރައްވާނީ މަޖިލީހުގެ ރައީސް ކަމަށް ވާދަ ކުރައްވާ ވިލުފުށީ ދާއިރާގެ އިންތިހާބީ މެމްބަރު ހަސަން ހަފީފަށް ކަމަށް އެ މެސެޖުގައި ބުނެފައިވެއެވެ.
އެކަމާ ގުޅޭ ގޮތުން އަސްލަމް ވިދާޅުވީ އޭނާގެ ނަމުގައި ފޮނުވަމުންދާ މެސެޖުތަކަކީ ފޭކް މެސެޖުތަކެއް ކަމަށެވެ.
މަޖިލީހުގެ ރައީސް ކަމަށް ޝައުގުވެރިކަން ފާޅުކުރެއްވި އެމްޑީޕީގެ ފަސް ބޭފުޅުންގެ ތެރޭގައި އަސްލަމާއި އަފީފުގެ އިތުރުން ހިމެނެނީ އައްޑޫ މީދޫ ދާއިރާގެ މެމްބަރު ރޮޒައިނާ އާދަމާއި މެދުހެންވޭރު ދާއިރާގެ މެމްބަރު އަލީ އާޒިމުގެ އިތުރުން މަރަދޫ ދާއިރާގެ މެމްބަރު އިބްރާހިމް ޝަރީފު (މަވޯޓާ ޝަރީފު)އެވެ.
ރައީސް ނަޝީދު ވިދާޅުވެފައި ވަނީ މަޖިލީހުގެ ރައީސް ކަމަށް އެމަނިކުފާނު އެންމެ ބޭނުންފުޅުވެވަޑައިގަންނަވަނީ އަސްލަމް ވަޑައިގެންނެވުމަށް ކަމަށެވެ. ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެފައި ވަނީ މަޖިލީހުގެ ރައީސް ކަމަށް އެންމެ އެކަށީގެންވާ އެއް ބޭފުޅަކީ އަފީފު ކަމަށެވެ.
