ހޮނިހިރު 25 މެއި 2019
06 ރޯނު
1440 ރަމަޟާން 20
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ކުޅިވަރު - މަތައިސް ޑެލައިޓް

މިއީ ކުރިމަގާ މެދު ސުވާލުކުރަންވީ ވަގުތެއް ނޫން: ޑެލައިޓް

  • ޑެލައިޓް ހޯދަން ބާސާއިން ވަނީ 60 މިލިއަން ޕައުންޑު ހުށަހަޅާފައި

ލީވާން އަލީ
MrLeevaan

ކ. މާލެ 16 މެއި 2019 | ބުރާސްފަތި 19:09 4,248

ނެދަލޭންޑްސްގެ ޑިފެންޑަރ މަތައިސް ޑެލައިޓް - ގެޓީ އިމޭޖާސް

މިއީ ކުރިމަގާ މެދު ސުވާލުކުރަންވީ ވަގުތު ނޫން ކަމަށް އަޔަކްސް އަށް ކުޅެމުން އަންނަ ނެދަލޭންޑްސްގެ ޑިފެންޑަރ މަތައިސް ޑެލައިޓް ބުނެފިއެވެ.

ފޮކްސް ސްޕޯޓްސްއަށް ދިން އިންޓަވިއުއެއްގައި ޑެލައިޓް ބުނީ، ބާސެލޯނާއަށް ބަދަލުވުމާ މެދު ގޮތެއް ބުނަން މިވަގުތު ނޭގޭ ކަމަށާއި، އެކަމާ މެދު އެއްޗެއް ބުނަން އެނގޭނީ ފަހުން ކަމަށެވެ.

ރިޕޯޓްތައް ބުނާ ގޮތުން ކުރިޔަށް އޮތް ސީޒަނަށް ބާސާއިން އަންނަނީ އެޓީމުގެ ޑިފެންސްލައިން ވަރުގަދަކުރުމުގެ ގޮތުން ޑެލައިޓް ހޯދުމަށް މަސައްކަތް ކުރަމުން ކަމަށާއި، އެ ކްލަބުން އޭނާ ހޯދުމަށް 60 މިލިއަން ޕައުންޑު ހުށަހަޅާފައިވާ ކަމަށެވެ.

ބައެއް ރިޕޯޓްތައް ބުނާ ގޮތުން އަޔަކްސްއިން ޑެލައިޓް ވިއްކާލަން ބޭނުމެއް ނުވެއެވެ. ނަމަވެސް ޑެލައިޓް ބޭނުން ވަނީ އަޔަކްސް ދޫކޮށް ބާސާއަށް ބަދަލުވެ، އެ ކްލަބާ އެކު ކާމިޔާބު ހޯދާށެވެ.

އުމުރުން 19 އަހަރުގެ ޑެލައިޓް ޔުއެފާ ޗެމްޕިއަންސް ލީގުގައި އަޔަކްސްއަށް މޮޅު ކުޅުމެއް ދައްކާފައިވާއިރު، އޭނާ ވަނީ ގިނަ ބައެއްގެ ސަމާލުކަން މި ފަހަރުގެ މުބާރާތުގައި ހޯދާފައެވެ.

އެގޮތުން ޑެލައިޓް ހޯދަން ބާސާގެ އިތުރުން ގިނަ ޓީމުތަކުން އަންނަނީ މަސައްކަތް ކުރަމުންނެވެ. އޭގެ ތެރޭގައި ޖަރުމަން އަދި އިނގިރޭސި ޓީމުތައް ހިމެނެއެވެެ.

އަޔަކްސްއަށް 2016 ވަނަ އަހަރުގެ ސީޒަނުގައި ބަދަލުވި ޑެލައިޓް ވަނީ އެ ކްލަބަށް މިހާތަނަށް ކުޅުނު 112 މެޗުގައި 12 ލަނޑު ކާމިޔާބު ކޮށްފައެވެ. އޭނާ ވަނީ އެ ކްލަބާއެކު މި ސީޒަނުގައި ޑަޗް ކަޕްވެސް ކާމިޔާބު ކޮށްފައެވެ.

ނެދަލޭންޑްސް ގައުމީ ޓީމަށް މިހާތަނަށް 15 މެޗު ކުޅެ، އެއް ލަނޑު ކާމިޔާބު ކޮށްފައިވާ ޑެލައިޓް ވަނީ ނެދަލޭންޑްގެ އުމުރުފުރާތަކުގެ ގައުމީ ޓީމުތަކަށް ވެސް ކުޅެފައެވެ.

މިދިޔަ އަހަރު ގޯލްޑެން ބޯއި އެވޯޑް ހާސިލްކޮށްފައިވާ ޑެލައިޓް ވަނީ ޑަޗް ފުޓްބޯލް އޮފް ދަ އިޔާގެ ބްރޯންޒް ބޫޓް ވެސް ހޯދާފައެވެ.

އެންމެ ފަހުން އަޕްޑޭޓް ކުރީ: 3 ދުވަަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

އެންމެ ފަހުގެ

ކޮމެންޓް