ކ. މާލެ
|
15 މެއި 2019 | ބުދަ 19:48
އެފްއޭއެމް އެކްސްކޯ ބައްދަލުވުމެއްގެ ތެރެއިން
އެފްއޭއެމް އެކްސްކޯ ބައްދަލުވުމެއްގެ ތެރެއިން
ފޭސްބުކް
އެފްއޭއެމް
އެންމެ ލަސްވެގެން ހޯމަ ދުވަހު ކްލަބްތަކަށް ފައިސާ ދޫކުރެވޭނެ: އެފްއޭއެމް
 
ކްލަބްތަކަށް އެހީވާން އެފްއޭއެމް ބަޖެޓްގައި 30 މިލިއަން ރުފިޔާ ވަނީ ހިމަނާފައި

އެންމެ ލަސްވެގެން އަންނަ ހޯމަ ދުވަހު ކްލަބްތަކަށް ފައިސާ ދޫކުރެވޭނެ ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ބުނެފިއެވެ.

ރާއްޖެއެމްވީއަށް މައުލޫމާތު ދެމުން އެފްއޭއެމްގެ ޖެނެރަލް ސެކެޓްރީ ހުސެއިން ޖަވާޒް ވިދާޅުވީ، ކްލަބްތަކަށް ދޭން އެއްބަސްވެފައިވާ ފައިސާ އަންނަ ހޯމަ ދުވަހުގެ ކުރިން ދޫކުރެވޭނެ ކަމަށެވެ.

މިދިޔަ ސަރުކާރުން 2017 ވަނަ އަހަރުން ފެށިގެން ކުންފުނިތައް މެދުވެރިކޮށް ފުރަތަމަ ޑިވިޝަންގައި ވާދަކުރާ ޓީމުތަކުގެ ތެރެއިން ކޮންމެ ޓީމަކަށް ދެ މިލިއަން ރުފިޔާ ދީފައިވާއިރު، ދިވެހި ޕްރިމިއާ ލީގަށް ހޮވިއްޖެނަމަ އިތުރު އެއް މިލިއަން ރުފިޔާ ވަނީ ދީފައެވެ.

ނަމަވެސް މި ސަރުކާރުން ކުންފުނިތައް މެދުވެރިކޮށް ކްލަބްތަކަށް ފައިސާ ދޫކުރާނެ ކަމުގެ ޔަގީންކަން ނެތުމުން އެފްއޭއެމުން ނިންމީ އެ އިދާރާއިން އަމިއްލަޔަށް ކްލަބްތަކަށް ހަރަދު ކުރުމަށެވެ.

އެގޮތުން އެފްއޭއެމުން ވަނީ މިދިޔަ މާޗް މަހު ފާސްކުރި ބަޖެޓުގައި، ކްލަބްތަކަށް ދޭ މާލީ އެހީތެރިކަމުގެ ގޮތުގައި 30 މިލިއަން ރުފިޔާ ހިމަނާފަ އެވެ. އެއީ ފުރަތަމަ ޑިވިޝަނުގައި ވާދަކުރާ ކޮންމެ ޓީމަކަށް ތިން މިލިއަން ރުފިޔާގެ އުސޫލުން ކަމަށް ވަނީ ބެލެވިފައެވެ.

އެސްއޯއީގެ ތެރެއިން ސަރުކާރު ހިއްސާވާ 12 ކުންފުނި މެދުވެރިކޮށް 26 މިލިއަން ރުފިޔާ އަހަރަކު ފުޓްބޯޅަ އަށް ހަރަދުކުރާ ގޮތަށް އެއްބަސްވުމުގައި އޮންނައިރު، އޭގެން ގިނަ ކްލަބްތަކަށް އެންމެ އެކަށީގެންވާ ފައިދާތަކެއް ނުކުރެއެވެ. އަދި ގިނަ ކްލަބްތަކެއް އޮތީ މާލީ ގޮތުން އަޑިއަޅާލާފައެވެ.

މި އަހަރުގެ ފުޓުބޯޅަ ސީޒަން ފެށުމަށް ހަމަޖެހިފައިވަނީ ޖޫން މަހުއެވެ. އެގޮތުން ކްލަބްތަކުން މިހާރުއްސުރެ އަންނަނީ ސީޒަނަށް ތައްޔާރުވުމަށް ބަޖެޓް ހޯދުމުގެ މަސައްކަތް ކުރަމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
100%
0%
0%
0%
0%
ކޮމެންޓް