އީސީއިން ފައިސާ ދޭންޖެހޭ ޕާޓީތައް ބުރާސްފަތި ދުވަހު ހާމަ ކުރާނެ!
13 މެއި 2019 | ހޯމަ 10:00މެމްބަރުންނަށް ވުމަށް 35،000 ފޯމު އެމްޑީޕީން ވަނީ ހުށައަޅާފައި
އީސީގެ ރައީސް ޝަރީފު: އީސީ އިން ފައިސާ ދޭންޖެހޭ ޕާޓީތައް ބުރާސްފަތި ދުވަހު ހާމަ ކުރާނެ
އިލެކްޝަންސް ކަމިޝަނުން ފައިސާ ދޭން ޖެހޭ ސިޔާސީ ޕާޓީތައް އަންނަ ބުރާސްފަތި ދުވަހު ހާމަ ކުރަން ހަމަޖެހިފައިވާ ކަމަށް އިލެކްޝަންސް ކަމިޝަން (އީސީ) އިން ބުނެފިއެވެ.
އީސީ އިން މިހާރު ދަނީ މިދިޔަ ނޮވެމްބަރު މަހުން ފެށިގެން މެއި މަހާ ހަމައަށް ހުށައެޅި ފޯމުތައް އެންޓާ ކުރަމުންނެވެ.
އީސީގެ މެމްބަރު އަހުމަދު އަކްރަމް ރާއްޖެއެމްވީއަށް ވިދާޅުވީ ނޮވެމްބަރު މަހުން ފެށިގެން މެއި މަހާ ހަމައަށް 40،000 ފޯމު އެ ކަމިޝަނަށް ހުށައެޅި ކަމަށެވެ. އޭގެ ތެރެއިން 35،000 ފޯމަކީ އެމްޑީޕީ މެމްބަރުންނަށް ވުމަށް އެދި ހުށައެޅި ފޯމު ކަމަށް އޭނާ ވިދާޅުވިއެވެ.
ޕާޓީތަކަށް ފައިސާ ދޫކުރާނީ އެޕާޓީއެއްގައި 10،000 މެމްބަރުން ހަމަވާ ނަމައެވެ. އީސީ އިން މީގެ ކުރިން ބުނެފައި ވަނީ އެ ކަމިޝަނުން ނިންމާފައި ވަނީ ފާއިތުވެދިޔަ އަހަރުގެ އޮޑިޓް ރިޕޯޓާއި އަހަރީ ރިޕޯޓް ހުށައެޅި ޕާޓީތަކުގެ ތެރެއިން 10،000 މެމްބަރުން ހަމަވާ ޕާޓީތަކަށް ފައިސާ ދޫކުރުމަށް ކަމަށެވެ.
މި އަހަރުގެ ބަޖެޓުގައި ސިޔާސީ ޕާޓީތަކަށް ދިނުމަށް 25.6 މިލިއަން ރުފިޔާ ވަނީ ކަނޑައަޅާފައެވެ.
