މަޖިލީހުގެ މެޖޯރިޓީ ލިބުމަކީ އެ ޕާޓީއެއްގެ ފަލްސަފާ އޮންނަ ގޮތަށް ކަންކަން ކުރުމެއް ނޫން: ނިޒާރު
އެމްޑީޕީން މަޝްވަރާއާއި އެކު ނޫންގޮތަކަށް މަސައްކަތް ކޮށްފައެއް ނެތް
18 ވަނަ ރައްޔޮތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އަލީ ނިޒާރު
ވަކި ފިކުރަކަށް މަޖިލީހުގެ މެޖޯރިޓީ ލިބުމަކީ އެޕާޓީއެއްގެ ފަލްސަފާ އޮންނަ ގޮތަށް ހަމައެކަނި ކަންކަން ކުރުން ނޫން ކަމަށް ރައްޔޮތުންގެ މަޖިލީހުގެ ހިތަދޫ ދެކުނު ދާއިރާގެ މެންބަރު އަލީ ނިޒާރު ވިދާޅުވެއްޖެއެވެ.
ރާއްޖެޓީވީގެ "ފަލަސުރުހީ" ޕްރޮގްރާމްގައި ވާހަކަދައްކަވަމުން ނިޒާރު ވިދާޅުވީ 19 ރައްޔިތުންގެ މަޖިލީހަށް އެމްޑީޕީން ނުކުމެ މަސައްކަތް ކޮށްފައިވަނީ 19 ގޫނުނީ އޮނިގަނޑެއް ތައްޔާރުކޮށް ރައްޔިތުންނަށް ހުށައަޅަމުން ކަމަށާއި ނަމަވެސް އެ އަދަދަށްވުރެން ގިނަ ގާނޫނުތަކެއް އިސްލާހު ކުރަންޖެހޭ ކަމަށެވެ. އަދި ވަރަށް ގިނަ ގާނޫނުތަކެއް ގެންނަން ޖެހޭކަން ފާހަގަކުރައްވާ ނިޒާރު ވިދާޅުވީ، އެ މަސައްކަތް ކުރުމުގައި ރާއްޖޭގެ އެހެން ސިޔާސީ ފަރާތްތަކާއިވެސް މަޝްވަރާ ކުރަންޖެހޭ ކަމަށެވެ.
އެހެންކަމުން އެމްޑީޕީން މަޖިލީހުގެ މެޖޯރިޓީ ލިބިފައިވާއިރު އެންމެންގެ މަޝްވަރާއި ޚިޔާލާއި އެކު ހުރިހާ ރައްޔިތުންނަށް މަންފާވާނެ މަސައްކަތް ތަކެއް ކުރުމަކީ މުހިންމު ކަމެއް ކަމަށް އޭނާ ވިދާޅުވި އެވެ.
އެމްޑީޕީން މަޝްވަރާއާއި އެކު ނޫންގޮތަކަށް މިވީހާ ތާކަށްވެސް މަސައްކަތް ކޮށްފައެއް ނެތް. އަދި ކަންކަން ކުރަމުން އަންނަނީ މިބީދައިން. ރާއްޖޭގެ ހުރިހާ ސިޔާސީ ބޭބޭފުޅުންގެ މަޝަވަރާގެ މަތިން މިހާރު މިވަގުތައް ބަލާއިރުވެސް. އަޅުގަނޑުމެންގެ މިސަރުކާރަކީ ގުޅިފައިވާ ޕާޓީތަކާއި އެކު ހިގަމުން އަންނަ ސަރުކާރެއް އެކަން އެނގޭނެ މިސަރުކާރުގެ ކެބިނެޓައް ބައްލަވާ ލެއްވީމާ ވެސް. އެގޮތުން ކެބިނެޓްގައި ޖޭޕީގެ ބޭފުޅުން ތިއްބަވާނެ. އަދާލަތުގެ ބޭފުޅުން ތިއްބަވާނެ. ރައީސް މައުމޫނުގެ ބޭފުޅުން ތިއްބަވާނެ. އެހެން ކަމުން އުއްމީދު ކުރަނީ 19 ވަނަ ރައްޔިތުންގެ މަޖިލީސްވެސް ފެށި އެމަޖިލީހުގެ ތެރެއިން ހުރިހާ ފިކުރެއްގެ މެންބަރުންވެސް ގުޅިގެން ރައްޔިތުންނަށް ފައިދާ ހުރި މަސައްކަތްތަކެއް ކުރަށްވާނެ ކަމަށް." ނިޒާރު ވިދާޅުވިއެވެ.
ނިޒާރު ވިދާޅުވީ ޖުޑިޝަރީ އިސްލާހުކުރުން އެއީ މުހިންމުކަމެއްކަމަށްވާއިރު ޖުޑީޝަރީ އިސްލާހު ކުރުމުގައިވެސް ޖުޑިޝަރީގެ އެއްބާރުލުމާއި މަޝްވަރާ ބޭނުން ވާނެ ކަމަށެވެ. ޖުޑިޝަރީ އިސްލާހު ވެގެން ދިއުމަކީ ރައްޔިތުން ޝަރުއީ ކޯޓުތައް ބަލައިގަނެ އެ ކޯޓްތަކުން ކުރާ ހުކުމްތަކަށް ތަބާވާނެ ކަމެއް ކަމަށް ނިޒާރު ވިދާޅުވި އެވެ. އޭނާ ވިދާޅުވ މިހާރު ކޯޓްތަކުން ކުރާ ހުކުމްތަކާއި މެދު ރައްޔިތުންގެ ހިތުގައި ބޮޑަތި ޝައްކުތަކެއް ހުންނަ ކަމަށެވެ.
"މިހާރު ހުކުމްތައް އަންނަގޮތުން ރައްޔިތުން ޝައްކު ނުކުރާނެ ހުކުމެއް ނާދެ ކުންފުޏްޏަކަށް ފައިސާ ދިނުމަށް ކުރެވޭ ހުކުމެއް ވިޔަސް އެ ނިމިދާއިރު އެހުކުމަކާއި މެދު ރައްޔިތުންނަށް ޝައްކު ކުރެވޭގޮތައް އަދި އެންމެ ފަހުން ސްޕްރީމް ކޯޓުން ނިންމާފައި އޮތް ހުކުމަށްވެސް ރައްޔިތުން ވަރަށް ބޮޑަށް ޝައްކު ކުރާނެ އަޅުގަނޑުމެން ޝަރުއީ ކޯތްތަކލުން ކުރާ ހުކުމްތަކަށް ބަސްކިޔަނީކީނޫން އެހެން ނަމަވެސް ހުކުމް މިއަންނަނީވެސް ރައްޔިތުންގެ މައްޗަށް އެހުކުމެއް އެއަންނަ ގޮތޔުން އިތުބާރު ނުކުރެވޭޏްޏާއި އެވާހަކަ ދައްކަންވެސް ތީ ދިވެހި ރައްޔިތުޖް އެހެން ކަމުން ޖުޑިޝަރީ އިސްލާހު ވާނ އެބަޖެހޭ." ނިޒާރު ވިދާޅުވިއެވެ.
