ލަންކާގެ ހަމަލާގައި ބައިވެރިވި އެންމެން ހައްޔަރު ކުރެވިއްޖެ
7 މެއި 2019 | އަންގާރަ 05:36ލަންކާގެ އަށް ތަނަކަށް ބޮމުގެ ހަމަލާތައްދީ 250 އަށް ވުރެ ގިނަ މީހުން ވަނީ މަރުވެފައި
ލަންކާއަށް ދިން ހަމަލާތަކާއި ގުޅިގެން ސެކިއުރިޓީ ވަރުގަދަ ކޮށްފައި
މިދިޔަ މަހުގެ 21 ވަނަ ދުވަހު ސްރީލަންކާއަށް ދިން ބޮމުގެ ހަމަލާތަކާއި ގުޅުން ހުރި އެންމެން ހައްޔަރު ކުރެވިއްޖެ ކަމަށް އެގައުމުގެ އެކްޓިން ޕޮލިސް ޗީފް ޗަންދުރާ ވިކްރަމަރަތްނޭ ވިދާޅުވެއްޖެއެވެ.
ޗަންދްރާ ދެއްވި އޯޑިއޯ ސްޓޭޓްމަންޓެއްގައި ވިދާޅުވީ ސެކިއުރިޓީ ފޯސްތަކުން ވަނީ ބޮން ގޮއްވުމަށް ބޭނުންކުރާ ސާމާނާއި ބޮން ގޮއްވުމުގައި ބައިވެރިވި އެންމެން މިހާރު ހައްޔަރު ކޮށްފައި ކަމަށެވެ. ހަމަލާ ރޭވި މީހުންގެ ތެރޭގައި ސިފައިންނާއި ކުރިމަތިލައި އަމިއްލައަށް މަރުވެފައިވާ މީހުން ހިމެނޭ ކަމަށް އޭނާ ވިދާޅުވިއެވެ. އަދި އެމީހުން ބޮން ގޮއްވުމަށް ބޭނުންކުރާ ސާމާނުތައް ހޯދާފައިވާ ކަމަށް އޭނާ ވިދާޅުވިއެވެ.
ލަންކާގެ އަށް ތަނަކަށް ބޮމުގެ ހަމަލާތައްދީ 250 އަށް ވުރެ ގިނަ މީހުން ވަނީ މަރުވެފައެވެ.
ލަންކާއަށް ދިން މި ހަމަލާއަކީ ހައްދު ފަހަނައަޅާފައިވާ މުސްލިމް ޖަމާއަތެއް ކަމަށްވާ ނެޝަނަލް ތައުހީދު ޖަމާއަތު (އެންޓީޖޭ) ގުރޫޕުން ދިން ހަމަލާއެއް ކަމަށް މިހާތަނަށް ކުރި ތަހުގީގު ތަކުން އެެނގިފައިވާ ކަމަށް ލަންކާގެ ސަރުކާރުން ބުނެއެވެ.
އެގައުމުގެ ސަރުކާރުން ބުނީ ހަމަލާއާއި ގުޅިގެން އަށް ގައުމެއްގެ ޖާސޫސީ މައުލޫމާތު ބޭނުން ކުރަމުން ދިޔަ ކަމަށެވެ.
