ޔޫކޭގެ ޑިފެންސް ސެކްރެޓަރީ ގެވިން ވިލިއަމްސަން މަގާމުން ވަކިކޮށްފައިވަނީ ވާވޭ ކުންފުންޏަށް މައުލޫމާތު ތަކެއް ލީކުކުރިކަމަށް ބުނެ ބުރިޓިޝްގެ ނޭޝަނަލް ޑިފެންސް ސެކްރެޓަރީން ކައުންސިލުން ބަލަމުންދާ މައްސަލައަކާއި ގުޅިގެންނެވެ .
ބުރިޓީޝްގެ ކައުންސިލުން ބަލަމުންދާ މައްސަލައަކީ ޔޫކޭގެ އާ 5ޖީ މޮބައިލް ނެޓްވޯކް ސިސްޓަމަށް އެކްސެސް ލިބޭނެ ފަދަ މައުލޫމާތުތަކެއް ވިލިއަމް ޗައިނާގެ ޓެލެކޮމް ކޮމްޕެނީ "ވާވޭ" އަށް ހިއްސާ ކުރި ކަމުގެ ތުހުމަތުގައެވެ.
ބުރިޓިޝް ޕްރައިމް މިނިސްޓަރުގެ އިދާރާއިން ބުނީ ވިލިއަމްއަށް އޮތް އިތުބާރު ގެއްލިފައިވާ ކަމަށާއި ޕެނީ މޯޑައުންޓް މަގާމަށް އައްޔަން ކުރުމަށް ނިންމާފައިވާ ކަމަށެވެ. އަދި ޕެނީ މޯޑައުންޓް މަގާމާއި ހަވާލުވެ ވަޑައިގެންފިނަމަ އެކަމަނާ ވެގެންދާނީ ޔޫކޭގެ ތާރީޚުގައި ޑިފެންސް ސެކްރެޓަރީކަމުގެ މަގާމު އަދާކުރާ ފުރަތަމަ އަންހެން ބޭފުޅާއަށެވެ
ވިލިއަމަކީ 2017 ވަނަ އަހަރުން ފެށިގެން ޔޫކޭގޭ ޑިފެންސް ސެކްރެޓަރީ ކަމުގެ މަގާމު އަދާކުރައްވަމުން އަންނަ ބޭފުޅެކެވެ
ވިލިއަމްއާއި މެދު ކުރެވޭ ތުހުމަތުތަކަށް އޭނާއާއި ވާވޭ ކުންފުނިން އިންކާރު ކުރެއެވެ. އަދި ޗައިނާ ސަރުކާރުގެ އެއްވެސް އަތެއް ނޯންނާނެ ކަމަށް ވެސް ބުނެފައި ވެއެވެ.
މީގެ އިތުރުން ވިލިއަމް މިދިޔަ އަންގާރަ ދުވަހު ބީބީސީއަށް ދިން އިންޓަވިއުއެއްގައި ބުނެފައިވަނީ އެއްވެސް މައުލޫމާތެއް އޭނާ ވާވޭ ކުންފުޏަށް ލީކު ނުކުރާ ކަމަށެވެ. އަދި ބުދަ ދުވަހު ތެރީސާ މޭ ވިލިއަމްއާއި ބައްދަލުކޮށް ވިދާޅުވެފައި ވަނީ ވިލިއަމް އެސްއެންސީ ގެ މައުލޫމާތުތައް ފޯރުކޮށްދިން ކަމުގެ ފުރިހަމަ ހެކި އެބަހުރި ކަމަށެވެ. އަދި އެކަމަށް އޭނާ ޒިންމާ ވާންޖެހޭނެ ކަމަށެވެ
"ވާވޭ " ކުންފުންޏަކީ ޗައިނާގެ ފޯނު އުފައްދާ ކުންފުންޏެކެވެ. އާންމުންގެ ތެރޭގައި މަގުބޫލު ކަން ހޯދާފައިވާ ގިނަ ވައްތަރުތަކެއްގެ ފޯނާއި ތަފާތު އެލެކްޓްރޯނިކް ޑިވައިސްތައް ވާވޭ ކުންފުނިން އުފައްދާފައި ވެއެވެ.
