ރަމަޟާން މަހުގައި ފިހާރަތައް ހުޅުވާފައި ބެހެއްޓޭނީ ރޭގަނޑު 12 ޖަހަންދެން
29 އެޕްރީލު 2019 | ހޯމަ 17:1012 ޖަހަންދެން ފިހާރަތައް ހުޅުވާފައި ބެހެއްޓެނީ އަންނަ ޝައްވާލު މަހުގެ ހަތްވަނަ ދުވަހުގެ ނިޔަލަށް
ރާއްޖޭގައި އިމްޕޯޓް މުދާ ވިއްކާ ފިހާރައެއް
ކުރިއަށް އޮތް ރަމަޟާން މަހާއި ޝައްވާލުމަހުގެ ފުރަތަމަ ހަތް ދުވަހު ތެރޭގައި ފިހާރަތައް ހުޅުވާފައި ބެހެއްޓޭނީ ރޭގަނޑު 12 ޖަހަންދެން ކަމަށް އިކޮނޮމިކް މިނިސްޓްރީން ބުނެފިއެވެ.
އިކޮނޮމިކް މިނިސްޓްރީން ބުނީ ހޯމަ ދުވަހުން ފެށިގެން ރަމަޟާން މަސް ހިމެނޭ ގޮތަށް އަންނަ ޝައްވާލު މަހުގެ ހަތްވަނަ ދުވަހުގެ ނިޔަލަށް އިމްޕޯޓް މުދާ ވިއްކާ ތަންތަން ހުޅުވާފައި ބެހެއްޓޭނެ އެންމެ ލަސް ގަޑިއަކީ މެންދަމު 12:00 ކަމަށެވެ.
ރާއްޖޭގައި މީހުން ދިރިއުޅޭ ރަށްތަކުގައި ހިންގާ އިމްޕޯޓް މުދާ ވިއްކާ ތަންތަނުން މަތީގައި ބަޔާންކޮށްފައިވާ ގޮތަށް ޢަމަލުކުރުމަށް އެ މިނިސްޓްރީން ވަނީ އެދިފައެވެ.
މީގެ އިތުރުން ރަމަޟާންމަހުގެ ރޭތަކާއި ޝައްވާލްމަހުގެ ފުރަތަމަ ހަތް ދުވަހުގެ ރޭތަކުގައި ސައި ހޮޓާ، ރެސްޓޯރަންޓު އަދި ކެންޓީނު ފަދަ ތަންތަނުން ކެއިންބުއިމުގެ ޚިދުމަތް ދިނުމަށް ހުޅުވާފައި ބަހައްޓަން ވާނީ އެދުވަހެއްގެ އިރުއޮއްސުމާ މެންދަމު 3:00 އާ ދެމެދުގައި ކަމަށް ވެސް އެމިނިސްޓްރީން ވަނީ ކަނޑައަޅާފައެވެ.
ކަލަންޑަރުގައިވާ ގޮތުން މިއަހަރުގެ ރަަމަޟާން މަސް ފެށޭނީ އަންނަ މަހުގެ ހަވަނަ ދުވަހުއެވެ.
