ރަމަޟާން މަހާ ދިމާކޮށް، އުރީދޫއިން ކަސްޓަމަރުންނަށް ހިދުމަތްތަކެއް ތައާރަފްކޮށްފި އެވެ.

އުރީދޫގެ ހުރިހާ ކަސްޓަމަރުންގެ އަގުވަޒަންކުރުމަށްޓަކާ ހުޅުވާލެވޭ ލަކީ ޑްރޯއެއް މި ރަމަޟާން މަހު ފެށިގެންދާނެ ކަމަށް އުރީދޫއިން ބުނެ އެވެ.

ކޮންމެ ހަފްތާއެއްގައިވެސް އަގުހުރި އިނާމުތަކެއް މި ލަކީ ޑްރޯއަކީ، އުރީދޫގެ ހުރިހާ އެކްޓިވް ކަސްޓަމަރުން ބައިވެރިކުރެވެގެންދާނެ ލަކީޑްރޯއެއް ކަމަށް އެ ކުންފުނިން ބުނެ އެވެ. ކޮންމެ ހަފްތާއެއްގެ ނަސީބުވެރިއަކަށް އެޗްއައިއެޗްއިން ހަތަރު މީހުންގެ ރޯދަ ވީއްލުމުގެ އިތުރުން، އަގުހުރި އިނާމެއް ލިބިގެންދާނެ ކަމަށް އުރީދޫއިން ބުނެ އެވެ.

އަގުހުރި އިނާމް ތަކުގެ ތެރޭގައި ބަދިގެ ސެޓު، ހޯމް ތިއޭޓަރ ސިސްޓަމް، ބައިސްކަލް، އަދި ސެމްސަންގ ގެލެކްސީ އެސް8 ވެސް ހިމެނޭ ކަމަށް އުރީދޫ އިން ބުނެ އެވެ.

އުރީދޫގައި އެންމެ ޚާއްސަ އިނާމުގެ ވެރިފަރާތް ހޮވިގެންދާނީ ރަމަޟާން މަސް ނިމުމުން ކަމަށް އެކުންފުނިން ބުނެ އެވެ.

 އެގޮތުން ހޮވިގެންދާ ފަރާތަކަށް، ދެމީހަކަށް ދެރޭގެ ހުރުމާއިއެކު މެލޭޝިއާ ދެކޮޅު ޓިކެޓް ލިބިގެންދާނެއެވެ.