މެޓާބޯގެ އުފެއްދުންތަކަށް ހާއްސަކޮށްގެން އެކްސްޕީރިއެންސް ސެންޓަރެއް ހުޅުވައިފި

ވެލިގާ ހާޑްވެއާރ އިން މެޓާބޯގެ އުފެއްދުން ތަކަށް ހާއްސަ ކޮށްގެން އެކްސްޕީރިއެންސް ސެންޓަރެއް ހުޅުވަފިއެވެ.

މިސެންޓަރު ހުޅުވާފައިވަނީ ވެލިގާ ހާޑްވެއާރ 4ގެ (މަޖީދީ މަގު ފިހާރަ) ފުރަތަމަ ފަންގިފިލާގައެވެ.

2017 ވަނަ އަހަރު ރާއްޖޭގެ މާރކެޓަށް ތައާރަފު ކުރި ޖަރުމަނު ވިލާތުގެ މި ބްރޭންޑުގެ އުފެއްދުން ވަނީ ކުޑަ ދުވަސް ކޮޅެއްގެ ތެރޭގައި ދިވެހި މަސައްކަތްތެރިންގެ ބޮޑު މަޤްބޫލުކަމެއް ހޯދާފައެވެ.

އަލަށް މި ހުޅުވި ސެންޓަރުންގެ ސަބަބުން ކަސްޓަމަރުންނަށް ބޮޑު މަގުބޫލުކަމެއް މެޓާބޯގެ ހުރިހާ އުފެއްދުންތަކެއް އެއްތަނަކަކުން ބަލާލާ، ޕްރޮޑަކްޓް ގަތުމުގެ ކުރިން ކަސްޓަމަރުންނަށް މި އުފެއްދުންތައް އަމިއްލައަށް ތަޖުރިބާ ކޮށްލުމުގެ ފުރުސަތު ލިބިގެންދާނެ ކަމަށް ވެލިގާއިން ބުންޏެވެ.

އަދި މީގެ އިތުރުން ޕްރޮޑަކްޓް ތަކާއި ބޭހެގޮތުން ކަސްޓަމަރުން އޮޅުން ފިލުވަންބޭނުންވާ ހުރިހާ މައުލޫމާތެއް ވެސް ފަސޭހަކަމާއި އެކު ލިބިގެންދާނެއެވެ.

"މި ސެންޓަރ ހުޅުވުމުގެ އެންމެ މުހިންމު ބޭނުމަކީ ކަސްޓަމަރުންނަށް ފަސޭހަކަމާއި އެކީ އެއްތަނަކުން އަޅުގަނޑުމެންގެ އަތުން ލިބެން ހުރި ފޯރުކޮށްދީ، ކަސްޓަމަރުންނަށް ވެސް އައިސް ގަތުމުގުގެ ކުރިން މި ޕްރޮޑަކްޓްތަކުގައި އަތްލާ، އެކްސްޕީރިއެންސް ކޮށްލުމުގެ ފުރުޞަތު ހޯދައިދިނުން" މަހުދީ އިޖާޒު، މެޓާބޯ ޕްރޮޑަކްޓް މެނޭޖަރ ވިދާޅުވިއެވެ.

މެޓާބޯގެ އުފެއްދުން ތަކަށް ދިމާވި އެކިއެކި މައްސަލަތަކަށް ހައްލު ކުރުމުގެ ގޮތުން ސާރވިސް ސެންޓަރެއް ވެސް ވެލިގާއިން ވަނީ ހުޅުވާފައެވެ.

އަދި މީގެ އިތުރުން ވެސް ވެލިގާއިން އަންނަނީ ދުނިޔޭގެ ނަން މަޝްހޫރު އެތައް ބްރޭންޑެއްގެ އުފެއްދުންތަކެއް ރާއްޖެ އެތެރެކޮށް މާކެޓް ކުރަމުންނެވެ.

2008 ވަނަ އަހަރުން ފެށިގެން ހާޑްވެއާރ ވިޔަފާރި ކުރަމުން އަންނަ މި ކުންފުނިން މިހާރު ވަނީ މާލެ، ހުޅުމާޅެ އެކުލެވޭ ގޮތަށް ވެލިގާ 5 ފިހާރައެއް ހުޅުވާ ފާހާނާ އަދި ގޭތެރެ ޒީނަތްތެރިކުރުމަށް ބޭނުންވާ ޕްރޮޑަކްޓް ތަކަށް ހާއްސަކޮށްގެން ބްލަންކުގެ ނަމުގައި ފިހާރައެއް ހުޅުވާފައެވެ.

އަދި މީގެ އިތުރުން ވެލިގާ އިން ވިޔަފާރި ކުރާ ބޮޑެތި ކޯ ޕަރޭޓް ކަސްޓަމަރ ހާއްސަކޮށްގެން ވަނީ ކޯޕަރޭޓް ސެންޓަރ އެއްވެސް ހުޅުވާފައެވެ.