ހުޅުމާލޭގައި އެކްސިޑެންޓެއް ހިނގައި މާބަނޑު އަންހެނަކަށް އަނިޔާ ވެއްޖެ
28 އެޕްރީލު 2019 | އާދީއްތަ 06:36އެއަންހެން މީހާއަށް ހުޅުމާލޭ ހޮސްޕިޓަލުގައި ދަނީ ފަރުވާ ދެމުން
މިއަދު ހުޅުމާލޭގައި ހިނގި އެކްސިޑެންޓް
ހުޅުމާލޭގައި އާދީއްތަ ދުވަހު ހިނގި އެކްސިޑެންޓެއްގައި މާބަނޑު އަންހެނަކަށް އަނިޔާވެއްޖެއެވެ.
ފުލުހުން ބުނީ އާދީއްތަ ދުވަހުގެ ހެނދުނު ގާތްގަނޑަކަށް 6:45 އެހާ ކަންހާއިރު ހިނގި އެ އެކްސިޑެންޓުގައި އަންހެން މީހާގެ ވާތު ފައިގެ ކުޑަ ހުޅާ ކައިރިން ދެ ތަނެއް ކަފައިގެން ގޮސް ޒަޚަމްވެފައިވާ ކަމަށެވެ. އަދި އެހެން ކުދިކުދި އަނިޔާވެފައިވާ ކަމަށް ފުލުހުން ބުނެއެވެ.
އެ އަންހެން މީހާއަށް ހުޅުމާލޭ ހޮސްޕިޓަލުގައި ދަނީ ފަރުވާ ދެމުންނެވެ.
އާދީއްތަ ދުވަހު ހެނދުނު ހުޅުމާލޭގައި މި އެކްސިޑެންޓް ހިނގާފައި ވަނީ އެ ރަށުގު ހުވަނދު މާކެޓް ގޯޅިން ނުކުތް ކާރަކާއި ސައިކަލެއް ޖެހިގެނެވެ. ހޮނިހިރު ދުވަހު ވެސް ހުޅުމާލޭގައި ނުރައްކާތެރި އެކްސިޑެންޓެއް ހިނގައި ދެ މީހަކަށް އަނިޔާ ވެފައި ވެއެވެ. ފަހަކަށް އައިސް މާލޭ ސަރަހައްދުގައި އެއްގަމު އުޅަނދު އިންތިހާ އަށް ގިނަވެ އެކްސިޑެންޓްތައް ވެސް ދަނީ އިތުރުވަމުންނެވެ.
