ޕީއެންސީގެ ނައިބު ރައީސް ކަމަށް ހަތަރު ބޭފުޅަކު އިންތިހާބުކޮށްފި

ޕީޕަލްސް ނޭޝަނަލް ކޮންގްރެސް ޕާޓީ (ޕީއެންސީގެ) ނައިބު ރައީސް ކަމަށް ހަތަރު ބޭފުޅަކު އިންތިހާބުކޮށްފިއެވެ.

ފީއެންސީގެ ނައިބް ރައީސްގެ މަގާމަށް ފަސް ބޭފުޅަކު ކުރިމަތިލެއްވިއެވެ.

ބިލަބޮން އިންޓަނޭޝަނަލް ހައި ސްކޫލުގައި ކުރިއަށް ދިޔަ ކޮންގްރަސްގައި ނައިބު ރައީސް ކަމުގެ މަގާމަށް އިންތިހާބު ކުރީ 126 ވޯޓާއެކު ވިލިމާލޭ ދާއިރާގެ މެންބަރު އަހުމަދު ނިހާން ހުސެއިން މަނިކާއި، 122 ވޯޓާއެކު ލަންކާގެ ކުރީގެ އެމްބަސަޑަރު މުހައްމަދު ހުސައިން ޝަރީފް (މުންދު) އާ 120 ވޯޓާއެކު ކުރީގެ އިކޮނޮމިކް މިނިސްޓަރު މުހައްމަދު ސައީދު އަދި 122 ވޯޓާއެކު ބާރަށު ދާއިރާގެ މެންބަރު އިބްރާހިމް ސުޖާއުއެވެ. ނަމަވެސް އެކަށީގެންވާ މިންވަރަށް ވޯޓް ލިބި ވަޑަނުގަތް ނާކާމިޔާބުވަޑައިގަތީ ފެނަކަ ކޯޕަރޭޝަންގެ ކުރީގެ އެމްޑީ މުހައްމަދު ނިމާލެވެ. އޭނާއަށް ލިބިވަޑައިގެންނެވީ 39 ވޯޓެއެވެ.

ޕީއެންސީއަށް ހަތަރު ނައިބު ރައީސުން އައްޔަންކޮށްފައި މި ވަނީ އެ ޕާޓީގެ އަސާސީ ގަވާއިދަށް ބަދަލު ގެނައުމަށްފަހުއެވެ.