ކުރީގެ ރައީސް މައުމޫން ލަންކާގައި ހުންނެވުމަށްފަހު މާލެ ވަޑައިގެންފި
24 އެޕްރީލު 2019 | ބުދަ 22:28ލަންކާގައި އެތައް ބަޔަކު މަރާލި ޓެރަރިސްޓް ހަމަލާ ކުށްވެރި ކުރެއްވި
ކުރީގެ ރައީސް މައުމޫން އަބްދުލްގައްޔޫމް
ކުރީގެ ރައީސް މައުމޫން އަބްދުލްގައްޔޫމް ސްރީލަންކާގައި ހުންނެވުމަށްފަހު މާލެ ވަޑައިގެންފިއެވެ.
ރައީސް މައުމޫން މާލެ ވަޑައިގެންނެވީ ބުދަ ދުވަހުގެ ރޭގެ ވަގުތެއްގައިއެވެ.
ރައީސް މައުމޫން ރާއްޖެއަށް ވަޑައިގަންނަވަމުން ކުރެއްވި ޓްވީޓެއްގައި ވިދާޅުވީ މިދިޔަ އާދިއްތަ ދުވަހު ލަންކާގައި އެތައް ބަޔަކު މަރާލި ޓެރަރިސްޓް ހަމަލާ ކުށްވެރި ކުރާ ކަމަށެވެ.
މީގެ އިތުރުން ރައީސް މައުމޫން ކުރެއްވި ޓްވީޓްގައި ވަނީ މިފަދަ އުނގަދޫ ވަގުތެއްގައި އެމަނިކުފާނާއި، އެމަނިކުފާނުގެ އަނބިކަބަލުންގެ ސަލާމަތާއި ރައްކާތެރިކަމަށް ލަންކާގެ ފުލުހުން ކޮށްދެއްވި މަސައްކަތްތަކަށް ވަނީ ޝުކުރު އަދާކުރައްވާފައެވެ. އަދި ލަންކާއިން ރާއްޖެއަށް ކަނޑައަޅުއްވާފައިވާ ސަފީރު ބެހެއްޓެވި ގާތްކަމާއި، އޯގާތެރިކަމަށް ވެސް ޝުކުރު އަދާކުރައްވާފައެވެ.
ރައީސް މައުމޫން ލަންކާއަށް ވަޑައިގެންނެވީ ޗުއްޓީ ހޭދަކޮށްލެވުމަށް މިމަހުގެ 18ވަނަ ދުވަހުއެވެ.
ރައީސް މައުމޫން ޗުއްޓީއަށް ވަޑައިގެންނެވީ ނިމިދިޔަ 19 ވަނަ ރައްޔިތުންގެ މަޖިލިސް އިންތިޚާބުގައި ވަރަށް ބުރަކޮށް ކެންޕޭން މަސައްކަތްފުޅުގައި އުޅުއްވުމަށްފަހުއެވެ.
