ސްރީ ލަންކާގައި އާދީއްތަ ދުވަހު ދިން ޖާނުން ފިދާވުމުގެ ބޮމުގެ ހަމަލާތަކުގެ ކުރިން އެކަމުގެ މައުލޫމާތު ލިބިފައިވީއިރު ވެސް އެ ހަމަލާތަކުން ސަލާމަތްވުމަށް ފިޔަވަޅުތަކެއް އެޅިފައި ނުވާތީ އެ ގަައުމުގެ ޑިފެންސް ފޯސްގެ ވެރިޔާ މަގާމުން ވަކިކުރައްވާނެ ކަމަށް ރައީސް މައިތިރިޕާލާ ސިރިސެނާ އަންގާރަ ދުވަހު ވިދާޅުވެއްޖެއެވެ.
"ކުރިޔަށް އޮތް ހަފްތާތަކުގައި ޕޮލިސް އަދި ސަލާމަތީ ބާރުތަކުގެ މުޅި ފައުޖު އެކީ ރީސްޓްރަކްޗަރ ކުރާނަން ، އަޅުގަނޑު މި ބަލަނީ ޑިފެންސްގެ ވެރިން ކުރިޔަށް އޮތް 24 ގަޑިއިރުތެރޭ ބަދަލުވާނެ ކަމަށް" ގައުމާ މުޚާތަބުކުރައްވައި ސިރިސެނާ ވިދާޅުވިއެވެ.
"ބޭރުގެ ގައުމުތަކުން އިންޓެލިޖެންސް ރިޕޯޓް ލިބުނު ސަލާމަތީ ޚިދުމަތުގެ އޮފިޝަލުން އަޅުގަނޑާ އެ ރިޕޯޓް ހިއްސާކޮށްފައެއް ނުވޭ. އެކަށީގެންވާ ފިޔަވޅުތައް އެޅުނީސް. މި އޮފިޝަލުންނާ މެދު ހަރުކަށި ފިޔަވަޅު އެޅުމަށް އަޅުގަނޑު ނިންމައިފިން"
ސްރީލަންކާގައި އާދީއްތަ ދުވަހު ދިން ސިލްސިލާ ބޮމުގެ ހަމަލާތަކުގައި މަރުވި މީހުންގެ އަދަދު 359 އަށް އަރާފައިވާ ކަމަށް ލަންކާގެ ނިއުސްފަަސްޓްގައި ރިޕޯޓްކޮށްފައި ވެއެވެ.
މީގެ އިތުރުން މިހާތަނަށް ހައްޔަރުކުރި މީހުންގެ އަދަދު 40 އަށް ވަނީ އަަރާފަައެވެ
