ލަންކާގެ އާ ފޮރިން މިނިސްޓަރަކަށް އެގައުމުގެ ޑިވަލޮޕްމަންޓް އެސައިންމަންޓްސް މިނިސްޓަރު ހަމަޖައްސަވައިިފި
ކުރިން ފޮރިން މިނިސްޓަރުކަމުގެ މަގާމުގައި ހުންނެވި ރަވީ ކަރުނަނަޔަކަ އިސްތިއުފާ ދެއްވީ ކޮރަޕްޝަނުގެ ތުހުމަތުގައި
ލަންކާގެ އާ ފޮރިން މިނިސްޓަރު ތިލަކް މަރަޕަނާ
ސްރީ ލަންކާގެ އާ ފޮރިން މިނިސްޓަރަކަށް އެގައުމުގެ ޑިވަލޮޕްމަންޓް އެސައިމަންޓްސް މިނިސްޓަރުގެ މަގާމުގައި ހުންނެވި ތިލަކް މަރަޕަނާ، ރައީސް މައިތްރިޕަލަ ސިރިސެނާ އައްޔަން ކުރައްވައިފިއެވެ.
ރައީސް މައިތްރިޕަލަ ސިރިސޭނާ ކުރިފުޅުމަތީ ފޮރިން މިނިސްޓަރުކަމުގެ ހުވާ ތިލަކް މަރަޕަނާ އަންގާރަ ދުވަހު ކުރެއްވިއިރު ކުރިން ފޮރިން މިނިސްޓަރުކަމުގެ މަގާމުގައި ހުންނެވި ރަވީ ކަރުނަނަޔަކަ އިސްތިއުފާ ދެއްވީ މި އޯގަސްޓް 10 ވަނަ ދުވަހު ކޮރަޕްޝަނުގެ ތުހުމަތު ކުރެއްވުމާ ގުޅިގެންނެވެ.
އާ ފޮރިން މިނިސްޓަރު ކަމަށް އައްޔަން ކުރެއްވި ތިލަކް މަރަޕަނާ އަކީ ކުރީގައި އެޓާނީ ޖެނެރަލް ކަން ވެސް ކުރެއްވި ބޭފުޅެކެވެ. އަދި ޑިފެންސް މިނިސްޓަރު ކަމާއި މިނިސްޓަރ އޮފް ހައިވޭސް، ޓްރާންސްޕޯޓް އެންޑް ސިވިލް އޭވިއޭޝަން ކަން ވެސް ކުރެއްވި ބޭފުޅެކެވެ. މީގެ އިތުރުން ލޯ، އޯރޑާ އެންޑް ޕްރިޒަން ރިފޯމްސް މިނިސްޓަރު ކަން ވެސް ކުރެއްވި ބޭފުޅެކެވެ. އެހެން ނަމަވެސް އެ މަގާމުން ޓިލަކް މަރަޕަނާ 2015 ވަނަ އަހަރު އިސްތިއުފާ ދެއްވިއެވެ.
