އާދީއްތަ 26 މެއި 2019
07 ރޯނު
1440 ރަމަޟާން 21
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ރާއްޖެ - ރައީސް އޮފީސް

އިންޑިއާއަށް ރައީސް ސޯލިހު ފުރާވަޑައިގެންފި

  • ރައީސް ބައްލަވާ ކްރިކެޓް މެޗު ފެށެނީ އިންޑިއާ ގަޑިން ރޭގަނޑު 8:00 ގައި

ތަހާރަތު މުހައްމަދު ވަހީދު
thahavahyd

ކ. މާލެ 21 އޭޕުރިލް 2019 | އާދީއްތަ 11:59 2,971

އިންޑިޔާއަށް ކުރައްވާ ރަސްމީ ދަތުރުފުޅެއްގައި ރައީސް ފުރާވަޑައިގަތުން - އެމްއެންޑީއެފް

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް، އެއްދުވަހަށް އިންޑިއާއަށް ކުރައްވާ ދަތުރުފުޅު ފައްޓަވައިފިއެވެ. 

އެމަނިކުފާނުގެ ދަތުރުފުޅާއި ބެހޭގޮތުން ރައީސް އޮފީހުން ބުނެފައިވަނީ  އެމަނިކުފާނުގެ ދަތުރުފުޅަކީ އެ ޤައުމުގެ ކްރިކެޓް ބޯޑްގެ ދައުވަތަކަށް ކުރައްވާ ދަތުރުފުޅެއް ކަމަށެވެ.

ރައީސްގެ މި ދަތުރުފުޅުގައި ފޮރިން މިނިސްޓަރ އަބްދުﷲ ޝާހިދާއި ޔޫތު މިނިސްޓަރ އަހުމަދު މަހުލޫފުވެސް ބައިވެރިވެވަޑައިގަންނަވައެވެ. އަދި ސަރުކާރުގެ އިސް ބައެއް ބޭފުޅުން ބައިވެރިވެވަޑައިގެންނެވިއެވެ. 

ރައީސް ބައްލަވާ ކްރިކެޓް މެޗު ފެށެނީ އިންޑިއާ ގަޑިން ރޭގަނޑު 8:00 ގައެވެ. އެމަނިކުފާނު އިންޑިއަން ޕްރިމިއަރ ލީގު (އައިޕީއެލް) ގައި ރޯޔަލް ޗެލެންޖަރސް ބެންގަލޯރ އާއި ޗެންނާއީ ސުޕަރ ކިންގްސް ބައްދަލުކުރާ މެޗު ބައްލަވާއިރު އެމެޗު ބާއްވަނީ އިންޑިއާގެ ބެންގަލޫރުގައެވެ. ރައީސްގެ މިދަތުރުފުޅުގައި ބެންގަލޫރުގައި ދިރިއުޅޭ ދިވެހިންނާއި ބައްދަލު ކުރައްވާނެއެވެ. 

މިއީ ރައީސްކަމުގެ ހުވާ ކުރެއްވުމުގެ ފަހުން ރައީސް އިންޑިއާއަށް ވަޑައިގަންނަވާ ދެވަނަ ފަހަރެވެ. އެދަތުރުފުޅުގައި އެމަނިކުފާނު ވަނީ ރަސްމީ ދަތުރުފުޅެއްގައި އިންޑިއާއަށް ވަޑައިގެން އެގައުމުގެ ބޮޑުވަޒީރާއި އިސް ބޭފުޅުންނާއި ބައްދަލު ކުރައްވާފައެވެ. 

 

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް