ހުވަދު އަތޮޅުން ފެށިގެން އައްޑު އަތޮޅަށް ވައިޓް އެލާޓް
އެލާޓް ނެރުނީ އަންގާރަ ދުވަހުގެ ހަވީރު 6 އިން ފެށިގެން އެދުވަހުގެ ރޭގަނޑު 11:00 އާއި ހަމައަށް
މީގެ ކުރިން ރާއްޖެއަށް ކުރި ވިއްސާރައިގެ ތެރެއިން. ހުވަދު އަތޮޅުން ފެށިގެން އައްޑު އަތޮޅަށް ވައިޓް އެލާޓް ވަނީ ނެރެފައި
މޫސުން ގޯސްވެ ހުވަދު އަތޮޅަށާއި އައްޑުއަތޮޅާއި ދެމެދަށް ވައިޓް އެލަރަޓް ނެރެފިއެވެ.
މޯލްޑިވްސް މީޓްރިއޮލޮޖިކަލް ސަރވިސަސް (މެޓް) އޮފީހުން ބުނީ ހުވަދު އަތޮޅަށާއި އައްޑުއަތޮޅާއި ދެމެދަށް އަންގާރަ ދުވަހުގެ ހަވީރު 6 އިން ފެށިގެން އެދުވަހުގެ ރޭގަނޑު 11:00 އާއި ހަމައަށް ވައިޓް އެލަރޓް ނެރެފައިވާކަމަށެވެ.
މެޓް އޮފީހުން ބުނީ މެދުތެރެއާއި ދެކުނުގެ އެކިހިސާބަށް ވިއްސާރަ ކުރާނެ ކަމަށާއި އަދި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށީގެންވާކަމަށެވެ. އަދި އުތުރުގެ އަތޮޅުތަކަށް ގުގުރުމާއެކު ކެރީގެއަސަރު ފޯރާނެ ކަމަށާއި ހުޅަނގުއުތުރާއި އުތުރުން ގަޑިއަކު 05 މޭލާއި 15 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އޮފީހުން ބުނެއެވެ. އަދި ރާއްޖޭގެ ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަ ވާނެ ކަމަށް އެ އޮފީހުން ބުނެއެވެ.
ރާއްޖޭގެ އެކި ރަށްރަށަށް ހޯމަދުވަހުގެ ރެއިން ފެށިގެން ވާރޭ ވެހެމުންދާއިރު ވާރޭ ނުވެހި ގިނަ ދުވަސްވެ އާދަޔާ ހިލާފަށް ހޫނު ގަދަވެފައިވާތީ ހޯމަ ދުވަހުގެ މެންދުރުނަމާދަށްފަހު މުޅި ރާއްޖޭގައި ވަނީ އިސްތިސްގާ ނަމާދުކޮށްފައެވެ.
