ކައުންސިލް އިންތިހާބުގެ ކެމްޕޭން ވަރުގަދަ ކުރުމަށް އެމްޑީޕީގެ ވެފުދެއް އދ އަތޮޅަށް
މަހިބަދޫ ދާއިރާ އަދި މާމިގިލި ދާއިރާގެ ރަށްތަކަށް ދަތުރުކުރާނެ
އެމްޑީޕީގެ ވަފުދަށް މަހިބަދޫން މަރުހަބާ ކިޔަނީ
ކުރިއަށް އޮތް ލޯކަލް ކައުންސިލް އިންތިހާބުގައި އދ އަތޮޅުގެ ކެމްޕޭން ހަރަކާތަށް ވަރުގަދަ ކުރުމަށް އެމްޑީޕީގެ ވަފުދެއް އެތޮޅުގެ ރަށްތަކަށް ދަތުރުކުރަން ފަށައިފިއެވެ.
މި ދަތުރުގައި އދ. އަތޮޅުގެ މަހިބަދޫ ދާއިރާ އަދި މާމިގިލި ދާއިރާގެ ރަށްތަކަށް ދަތުރު ކުރުމަށް ވަނީ ހަމަޖެހިފައެވެ. އެމްޑީޕީގެ ޗެއާޕާސަންގެ ނައިބް އަލީ ނިޔާޒާއި ރައްޔިތުންގެ މަޖިލީހުގެ މެމްބަރު މުހައްމަދު ފަލާހް ގެ އިތުރުން އެމްޑީޕީގެ ގައުމީ މަޖިލީހުގެ ބައެއް މެމްބަރުން މި ދަތުރުގައި ބައިވެރިވަޑައިގަންނަވެއެވެ.
ހޮނިހިރު ދުވަހު ހަވީރު ވަނީ އެމްޑީޕީގެ ވަފުދު ވަނީ މަހިބަދޫ އަށް ވަޑައިގެން އެރަށުގެ އެމްޑީޕީގެ މެމްބަރުނާއި ބައްދަލުކުރައްވާފައެވެ. ކައުންސިލް އިންތިހާބުގައި މަހިބަދޫ ދާއިރާގެ ރަށްތަކުގެ ގޮނޑިތަށް އެދާއިރާގެ ފަރާތުން ވާދަކުރާ ކުނޑިޑޭޓުން ބައިވެރި މި ބައްދަލުވުމުގައި ކައުންސިލް އިންތިހާބުގައި ކެމްޕޭން ހަރަކާތަށް ކުރިއަށް ގެންދާނެ ގޮތާއި މެދު ވަނީ މަޝްވަރާކޮށްފައެވެ.
ރާއްޖެއެމްވީއަށް މައުލޫމާތު ދެމުން އެމްޑީޕީގެ ޗެއާޕާސަންގެ ނައިބް އަލީ ނިޔާޒު ވިދާޅުވީ މިދަތުރަކީ ކާމިޔާބު ދަތުރެއް ކަމަށެވެ.
މިއަދުގެ ވަގުތެއްގައި މާމިގިލީ ދާއިރާގެ ރަށްތަކަށް އެމްޑީޕީގެ ވަފުދު ވަޑައިގަތުމަށް ވަނި ހަމަޖެހިފައެވެ.
ޖެނުއަރީ މަހު 14 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބު ފަސްކުރުމަށް ސިވިލްކޯޓުން އަމުރުކުރުމުން އިލެކްޝަން ކޮމިޝަނުން އޭޕްރިލް މަހުގެ 8 ވަނަ ދުވަހު އިންތިހާބު ބާއްވާން އިއުލާން ކުރުމަށް ފަހު އެކޮމިޝަނުން ވަނީ އެ މަހުގެ 15 ވަނަ ދުވަހަށް ފަސްކޮށްފައެވެ. ކައުންސިލް އިންތިހާބުގައި ވެރިކަން ކުރާ ޕީޕީއެމްގެ ފަރާތުން ވާދަކުރާ ކެނޑިޑޭޓުން ތައާރަފްކޮށް އެޕާޓީން ވަނީ މިހާރު ރަސްމީކޮށް ކެމްޕޭން ފަށާފައެވެ. ކައުންސިލް އިންތިހާބުގެ ކެމްޕޭން ރަސްމީކޮށް އެމްޑީޕީން ފަށާފައި ނުވިނަމަވެސް އެޕާޓީން ދަނީ އިންތިހާބަށް ތައްޔާރުވުމުގެ ގޮތުން އަތޮޅުތެރޭގެ ރަށްތަކަށް ދަތުރުކުރުމަށެވެ.
